లాల్‌ధర్వాజ బోనాలకు భక్తులు భారీగా తరలివస్తున్నారు. పాతబస్తీలో జరిగే లాల్‌ధర్వాజ బోనాలను ప్రతి ఏటా ఘనంగా నిర్వహిస్తారు. ఈ ఏడాది కుడా బోనాలను ఘనంగా నిర్వహించేందుకు అన్ని ఏర్పాట్లు చేశారు. కాగా... ఆదివారం తెల్లవారుజాము నుంచే అమ్మవారికి బోనాలను సమర్పించేందుకు భక్తులు భారీగా తరలివస్తున్నారు. అలాగే బోనాల సందర్బంగా పోలీసులు భారీ బందోబస్తును ఏర్పాటుచేశారు. అలాగే బోనాల సందర్భంగా నగరంలో పలుచోట్ల ట్రాఫిక్ ఆంక్షలు కూడా విధించారు.