యూఏఈ: యూఏఈలో నెలకొన్న ప్రస్తుత పరిస్థితులను దృష్టిలో ఉంచుకుని, ప్రైవేట్ రంగంలోని ఉద్యోగుల భద్రత కోసం మంత్రిత్వ శాఖ కొన్ని ముందస్తు జాగ్రత్తలను సిఫార్సు చేసింది.

ప్రధాన మార్గదర్శకాలు:

• పని వేళలు/రోజులు: ఈ చర్యలు మార్చి 1 (ఆదివారం) నుండి మార్చి 3 (మంగళవారం) వరకు మూడు రోజుల పాటు వర్తిస్తాయి.
• కార్మికులు మరియు ఉద్యోగులు బహిరంగ ప్రదేశాల్లో (Open Areas) పనిచేయకుండా అవసరమైన చర్యలు తీసుకోవాలని మంత్రిత్వ శాఖ యాజమాన్యాలను కోరింది.
• సాధ్యమైన చోటల్లా ఉద్యోగులకు ఇంటి నుండి పనిచేసే (Remote working) వెసులుబాటు కల్పించాలని సూచించింది.
• భౌతికంగా హాజరు కావడం తప్పనిసరి అయిన అత్యవసర మరియు కీలక రంగాలకు (Vital and essential roles) మాత్రమే ఇందులో మినహాయింపు ఉంటుంది.
పనిని పూర్తిగా నిలిపివేయాలా లేదా అనే తుది నిర్ణయం ఆయా ఎమిరేట్స్‌లోని స్థానిక అధికారుల (Competent local authorities) పరిధిలో ఉంటుందని మంత్రిత్వ శాఖ స్పష్టం చేసింది. పరిస్థితుల మార్పులను బట్టి స్థానిక ప్రభుత్వాలు నిర్ణయాలు తీసుకుంటాయి.

ప్రైవేట్ సంస్థలు మరియు ఉద్యోగులు కేవలం ఫెడరల్ మరియు స్థానిక స్థాయిలోని అధికారిక వనరుల నుండి వచ్చే అప్‌డేట్స్‌ను మాత్రమే అనుసరించాలని మంత్రిత్వ శాఖ కోరింది.

ఉద్యోగుల క్షేమం దృష్ట్యా కంపెనీలు ఈ సూచనలను పాటించాలని ప్రభుత్వం కోరుతోంది. ప్రైవేట్ రంగ సంస్థలు తమ కార్యకలాపాలను ప్రస్తుత భద్రతా ప్రోటోకాల్స్‌కు అనుగుణంగా మార్చుకోవాలి.

--బాజీ షేక్(యూఏఈ)