యూఏఈః యూఏఈ జాతీయ రోగనిరోధకత కార్యక్రమం కింద తమ పిల్లలకు తప్పనిసరి టీకాలు వేయించాలని,  లేదంటే  తల్లిదండ్రులు లేదా సంరక్షకులకు గరిష్టంగా Dh20,000 వరకు జరిమానా విధిస్తారు. ఈ మేరకు ఫెడరల్ నేషనల్ కౌన్సిల్ ఇటీవల ముసాయిదా చట్టాన్ని ఆమోదించింది.  

కొత్త నిబంధనల ప్రకారం, పిల్లలకు టీకాలు వేయడానికి నిరాకరించిన లేదా నిర్లక్ష్యం చేసిన తల్లిదండ్రులు లేదా సంరక్షకులకు దిర్హామ్‌లు 5,000 మరియు దిర్హామ్‌లు 20,000 మధ్య జరిమానా విధించవచ్చు. 

యూఏఈ జాతీయ రోగనిరోధకత కార్యక్రమం కింద పిల్లలు వివిధ అంటు వ్యాధుల నుండి రక్షించడానికి పుట్టినప్పటి నుండి 11వ తరగతి వరకు తప్పనిసరి టీకాలను అందజేస్తారు.
జాతీయ ఆరోగ్య భద్రతను పెంపొందించడానికి మరియు నివారణ ఆరోగ్య సంరక్షణ వ్యవస్థలను బలోపేతం చేయడానికి యూఏఈ చేస్తున్న ప్రయత్నాలలో ఈ చట్టం ఒక భాగమని అధికారులు తెలిపారు.