మనామా: బహ్రెయిన్ లోని సీఫ్ డిస్ట్రిక్ట్ లో జరిగిన ఘోర రోడ్డు ప్రమాదం ఘటనలో, గల్ఫ్ దేశానికి చెందిన ఒక వ్యక్తికి రెండు సంవత్సరాల జైలు శిక్ష విధించారు.శిక్షాకాలం పూర్తయ్యాక అతడిని దేశం నుండి బహిష్కరించాలని ఫస్ట్ హై క్రిమినల్ కోర్టు ఆదేశించింది.

కోర్టు ఫైల్స్ ప్రకారం..ఆ వ్యక్తి మద్యం సేవించి వాహనం నడుపుతుండగా అతని కారు అదుపు తప్పింది.ఈ ప్రమాదంలో తీవ్రమైన తల గాయాలతో అతని భార్య మరణించగా, అతని ఎడమ చేయి తీవ్రంగా విరిగింది.ఈ ఘటన లో ప్రభుత్వ ఆస్తులకు కూడా నష్టం వాటిల్లింది.

జాగ్రత్తలు

డ్రైవర్ ప్రాథమిక భద్రతా జాగ్రత్తలు పాటించడంలో విఫలమయ్యాడని దర్యాప్తులో నిర్ధారణ అయింది. అతని నిర్లక్ష్యపు డ్రైవింగ్ నేరుగా అతని భార్య మరణానికి కారణమైందని, దాని పర్యవసానాలకు అతనే బాధ్యుడని కోర్టు తీర్పు ఇచ్చింది.