కృష్ణా జిల్లా వీరులపాడు మండలం పొన్నవరం గ్రామంలోని కేంద్ర మంత్రి సుజనాచౌదరి ఇంటి ముందు కాంగ్రెస్‌ పార్టీ ఆధ్వర్యంలో నిరసన తెలిపారు. ప్రత్యేక హోదా విషయంలో సుజనాచౌదరి సరిగా స్పందించకుండా మంత్రి పదవిని కాపాడుకునేందుకు భాజపాతో కుమ్మక్కయ్యారని కాంగ్రెస్‌ నేత దేవినేని అవినాష్‌ ఆరోపించారు. కేంద్రమంత్రి, ముఖ్యమంత్రి చంద్రబాబుకు వ్యతిరేకంగా నినాదాలు చేశారు. సుజనా ఇంటి ముందు వీధిని చీపుర్లతో వూడ్చి నిరసన వ్యక్తం చేశారు. ఈ విషయం తెలుసుకున్న స్థానిక తెదేపా నాయకులు సోనియాగాంధీ డౌన్‌.. డౌన్‌, రాష్ట్ర విభజనకు సోనియానే కారణమంటూ నినాదాలు చేశారు. పోలీసులు ఘటనా స్థలానికి చేరుకుని ఇరుపార్టీల కార్యకర్తలను శాంతింపజేసి నిరసన విరమింపజేశారు.