తెలంగాణ ప్రభుత్వం మరోసారి కొలువుల జాతరకు తెరతీసింది. విడతల వారీగా ప్రభుత్వంలో ఖాళీగా ఉన్న పోస్టులను భర్తీ చేస్తున్న ప్రభుత్వం ఈసారి భారీ ప్రకటనే విడుదల చేసింది. సాంఘిక సంక్షేమ గురుకుల విద్యాసంస్థల్లో 1794 పోస్టుల భర్తీకి ప్రభుత్వం అనుమతినిచ్చింది. సాంఘిక సంక్షేమ గురుకుల పాఠశాలల్లో 1164 పోస్టులను భర్తీ చేయనున్నారు. పబ్లిక్‌ సర్వీస్‌ కమిషన్‌ ద్వారా ఈ పోస్టుల భర్తీకి ప్రభుత్వం ఉత్తర్వులు జారీ చేసింది. అదే విధంగా గురుకుల మహిళా డిగ్రీ కళాశాలల్లో 630 పోస్టులను కూడా భర్తీ చేయనున్నారు. గతంలో అనుమతించిన 758 పోస్టులకు అదనంగా తాజా ప్రకటనను ప్రభుత్వం వెలువరించింది.