తీవ్ర జ్వరంతో బాధపడుతున్న కాంగ్రెస్‌ పార్టీ అధ్యక్షురాలు సోనియా గాంధీ పరిస్థితి స్థిరంగా ఉందని పార్టీ వర్గాలు తెలిపాయి. నిన్న వారణాసిలో రోడ్‌ షో చేస్తున్న ఆమె అనారోగ్యం కారణంగా షోను మధ్యలోనే ఆపేసి చార్టర్డ్‌ విమానంలో అర్ధరాత్రి సమయంలో దిల్లీ చేరుకుని ఆర్మీ రీసర్చ్‌ అండ్‌ రిఫరల్‌ ఆస్పత్రిలో చేరారు. ప్రస్తుతం వైద్యుల పర్యవేక్షణలో ఉన్న ఆమె కోలుకుంటున్నారని కాంగ్రెస్‌ మీడియా సెల్‌ ఇంఛార్జి రణదీప్‌ సుర్జేవాలా తెలిపారు. సోనియా కోలుకోవాలని కోరుకుంటున్న ప్రజలందరికీ ధన్యవాదాలు తెలిపారు. తీవ్ర జ్వరంతో బాధపడుతున్న ఆమె రోడ్‌ షో కారణంగా డీహైడ్రేషన్‌కి గురయ్యారని సీనియర్‌ నేత గులాం నబీ ఆజాద్‌ తెలిపారు.