మనామా: ఇరాన్ దాడుల నేపథ్యంలో ముహర్రాక్ గవర్నరేట్‌లోని ఒక ఫెసిలిటీలో చెలరేగిన మంటలను సివిల్ డిఫెన్స్ బృందాలు విజయవంతంగా ఆర్పివేశాయని అంతర్గత వ్యవహారాల మంత్రిత్వ శాఖ (MOI) వెల్లడించింది. మంటలను వేగంగా అదుపులోకి తీసుకువచ్చారని, అవి ఇతర ప్రాంతాలకు వ్యాపించకుండా అత్యవసర సహాయక బృందాలు విజయవంతంగా నిరోధించినట్లు అధికారులు తెలిపారు. ఈ ఘటనలో ఎవరూ గాయపడ్డ ఘటనలు నమోదు కాలేదన్నారు.

రెస్క్యూ టీమ్స్ పరిస్థితిని వెంటనే అదుపులోకి తీసుకువచ్చారని, సంబంధిత అధికారులు అక్కడి పరిస్థితులను పర్యవేక్షిస్తున్నారని తెలిపారు. బహ్రెయిన్ అంతటా నివాసితులను రక్షించడానికి, అదే సమయంలో భద్రతను కాపాడటానికి అన్ని రకాల చర్యలను తీసుకున్నట్లు మంత్రిత్వశాఖ స్పష్టం చేసింది.