ప్రముఖ బాలీవుడ్ దర్శకనిర్మాత, పీప్లీ లైవ్ కో డైరెక్టర్ మహ్మద్ ఫరూఖీకి న్యాయస్థానం ఏడేళ్ల జైలు శిక్ష విధించింది. మార్చి 28, 2015న అమెరికా జాతీయురాలిపై అత్యాచారానికి పాల్పడిన ఘటనలో ఫరూఖీని దోషిగా తేల్చిన కోర్టు ఏడేళ్ల జైలు శిక్ష విధించింది. అలాగే రూ.50వేల జరిమానా విధించింది. అమెరికాలోని కొలంబియా యూనివర్సిటీలో పీహెచ్‌డీ చేస్తున్న అమెరికన్ పరిశోధన నిమిత్తం ఢిల్లీ చేరుకున్నారు. ఈ నేపథ్యంలో దర్శక నిర్మాతతో అమెరికన్‌కు పరిచయం అయింది. దీనిని అవకాశంగా తీసుకున్న ఫరూఖీ ఆమెపై అత్యాచారానికి పాల్పడ్డాడు. కేసును విచారించిన ఢిల్లీ న్యాయస్థానం ఫరూఖీని దోషిగా తేల్చింది. ఏడేళ్ల జైలు శిక్షతో పాటు రూ.50వేల జరిమానా విధించింది.