యూఏఈ: యుద్ధ విరమణ తరువాత యూఏఈలో ట్రావెల్ డిమాండ్ క్రమంగా పెరుగుతోంది. రెండు మూడు నెలల్లో ప్రయాణికుల విశ్వాసం పుంజుకుని యుద్ధానికి ముందు స్థాయికి తిరిగి వస్తుందని ఏజెంట్లు ఆశిస్తున్నారు. ఒకవేళ యుద్ధ విరమణ కొనసాగితే, ప్రయాణికుల విశ్వాసం పుంజుకుని యుద్ధానికి ముందు స్థాయికి తిరిగి రావడానికి కొన్ని నెలల సమయం పడుతుందని యూఏఈ ట్రావెల్ ఏజెంట్లు అంటున్నారు.

ప్రారంభంలో విచారణలు పెరిగినప్పటికీ, విమాన కార్యకలాపాలు ఎంత త్వరగా సాధారణ స్థితికి వస్తాయని, ప్రయాణికుల విశ్వాసం ఎంత త్వరగా తిరిగి వస్తుంది అనే దానిపైనే విస్తృత పునరుద్ధరణ ఆధారపడి ఉంటుందని పరిశ్రమ అధికారులు తెలిపారు.

ప్లూటో ట్రావెల్స్‌కు చెందిన భరత్ ఐదాసాని మాట్లాడుతూ.. రాబోయే వారాల్లో డిమాండ్ క్రమంగా పెరుగుతుందని. ఈద్ సీజన్ మళ్లీ పుంజుకుంటుందని తాను ఆశిస్తున్నట్లు చెప్పారు. ఈ సంవత్సరం ఈద్ అల్ అజ్హా మే 26,  27 నాడు వస్తుందని తెలస్తోంది.  

ఈద్ సీజన్లు నివాసితులలో బాగా ప్రాచుర్యం పొందాయి. గత రెండు వారాల పాటు కాల్పుల విరమణ కొనసాగితే, ఆ తర్వాత కూడా ఎక్కువ కాలం నిలిచి ఉంటే, ప్రయాణికుల విశ్వాసం యుద్ధానికి ముందు స్థాయికి తిరిగి రావడానికి రెండు నుండి మూడు నెలల సమయం పట్టవచ్చని ఐదాసాని అన్నారు.  

అణచిపెట్టుకున్న డిమాండ్

ముసాఫిర్.కామ్ సీఓఓ రహీష్ బాబు మాట్లాడుతూ.. బలమైన డిమాండ్ కారణంగా సమీప భవిష్యత్తులో ప్రయాణ డిమాండ్‌లో గణనీయమైన పెరుగుదల ఉంటుందని భావిస్తున్నట్లు తెలిపారు. ఈ సంక్షోభం కారణంగా చాలా మంది ప్రయాణికులు, ముఖ్యంగా భారతదేశంలోని ఏప్రిల్ మరియు మే నెలల పాఠశాల సెలవుల సమయంలో పర్యటనలు ప్లాన్ చేసుకుంటున్న వారు, తమ బుకింగ్‌లను వాయిదా వేసుకున్నారని ఆయన పేర్కొన్నారు.

విమానయాన సంస్థలు తమ పూర్తి స్థాయి సేవలను తిరిగి ప్రారంభించడం, అధికారులు మిగిలిన ఆంక్షలను ఎత్తివేయడం, టిక్కెట్ల ధరలు స్థిరపడటం వంటి కీలక అంశాలపై పూర్తిస్థాయి పునరుద్ధరణ ఆధారపడి ఉంటుందని ఆయన పేర్కొన్నారు.

అత్యవసర ప్రయాణాలు, స్నేహితులు మరియు బంధువుల సందర్శనలతో మొదలై, ఆ తర్వాత విహార మరియు కార్పొరేట్ ప్రయాణాల ద్వారా ప్రయాణికుల విశ్వాసం దశలవారీగా తిరిగి వస్తుందని బాబు అన్నారు. విమానయాన సంస్థల సామర్థ్యం మెరుగుపడటం, ఇంధన ధరలు మరియు బీమా ప్రీమియంలు తగ్గడంతో రాబోయే వారాల్లో టిక్కెట్ల ధరలు తగ్గే అవకాశం ఉందని ఆయన తెలిపారు.

ఉపశమనం

లావాదేవీల సర్దుబాట్ల వల్ల వ్యాపార నగదు ప్రవాహంపై పడుతున్న ఒత్తిడే ప్రయాణ పరిశ్రమ ఎదుర్కొంటున్న అతిపెద్ద సవాళ్లలో ఒకటని జియోఫ్ ట్రావెల్ సీఈఓ జెఫ్రీ సలాటన్ అన్నారు.

యుద్ధ విరమణ తన ఏజెన్సీకి, అలాగే తీవ్రంగా ప్రభావితమైన మొత్తం ప్రయాణ పరిశ్రమకు ఎంతో అవసరమైన ఉపశమనాన్ని కలిగించిందని ఆయన అన్నారు. యుద్ధం ప్రారంభంలో యూఏఈ గగనతలాన్ని తాత్కాలికంగా మూసివేశారు.  ఇప్పుడు దానిని తిరిగి తెరిచారు. అయినప్పటికీ, యూఏఈ విమానయాన సంస్థలు తగ్గించిన విమాన షెడ్యూల్‌తో పనిచేస్తున్నాయి.

ఇతర అంతర్జాతీయ విమానయాన సంస్థలు ఈ ప్రాంతంలో అన్ని విమాన సర్వీసులను  నిలిపివేశాయి. సాధారణ వ్యాపార లావాదేవీలు త్వరలో యధావిధిగా కొనసాగుతాయని మరియు ట్రావెల్ ఏజెంట్లు మళ్లీ పుంజుకుంటారని తన ఏజెన్సీ ఆశాభావంతో ఉందని ఆ ట్రావెల్ ఏజెంట్ చెప్పారు.