మస్కట్: సోహార్ విలాయత్‌లోని కంప్లయెన్స్ మరియు రిస్క్ అసెస్‌మెంట్ విభాగం అధికారులు స్పెషల్ ఆపరేషన్ చేపట్టారు. ఈ సందర్భంగా రెండు వాహనాల్లో మరియు ఒక సిటిజన్ నివాసంలోనూ నిల్వ చేసిన భారీ పరిమాణంలో ఉన్న మద్యం సీసాలను స్వాధీనం చేసుకున్నారు. ఈ మద్యం నిల్వ మరియు విక్రయాలలో సదరు పౌరుడు ప్రమేయం కలిగి ఉన్నట్లు అధికారులు గుర్తించారు.

ఈ ఆపరేషన్ సమయంలో మొత్తం 743 సీసాల మద్యాన్ని, అలాగే కొంత పరిమాణంలో  పొగాకు ఉత్పత్తులను స్వాధీనం చేసుకున్నట్లు అధికారులు తెలిపారు. చట్టాలు మరియు నిబంధనలకు అనుగుణంగా సదరు వ్యక్తిపై చట్టపరమైన చర్యలు ప్రారంభించినట్లు పోలీసులు పేర్కొన్నారు.