పంద్రాగస్టు నేపథ్యంలో శంషాబాద్ ఎయిర్‌పోర్టులో హైఅలర్ట్ ప్రకటించారు. పంద్రాగస్టు వేడకల సందర్భంగా దేశవ్యాప్తంగా ఎక్కడైనా ఉగ్రవాదులు దాడులకు తెగబడే అవకాశం ఉందన్న నిఘా వర్గాల సమాచారంతో ఎయిర్‌పోర్టులో కట్టుదిట్టమైన భద్రతను ఏర్పాటు చేశారు. అక్టోపస్ బృందాలు, సీఐఎస్ఎఫ్, ఇతర సాయుధ పోలీసు బలగాలు శంషాబాద్ ఎయిర్‌పోర్టులో మోహరించారు.ఎయిర్‌పోర్టులోని ముఖ్యమైన ప్రాంతాల్లో డాగ్‌స్క్వాడ్స్‌తో తనిఖీలు కొనసాగిస్తున్నారు. విమానాశ్రయంలోకి వెళ్లే పాస్‌లను రద్దు చేశారు. ఈనెల 25వరకు సందర్శకుల విజిటర్స్‌ పాసుల జారీని నిలిపివేశారు. మొత్తానికి ఎయిర్‌పోర్టులో సీఆర్పీఎఫ్, ఆక్టోపస్, ఎయిర్‌పోర్టు సెక్యూరిటీతో మూడెంచల భద్రతను ఏర్పాటు చేశారు. ఎలాంటి అవాంఛనీయ సంఘటనలు జరుగుకుండా పూర్తిస్థాయిలో బందోబస్తును ఏర్పాటు చేసినట్లు పోలీసు అధికారులు వెల్లడించారు