మనామా: బహ్రెయిన్‌లో మొట్టమొదటి వర్చువల్ హార్స్ వేలం ప్రారంభమైంది. దీనిని రషీద్ ఈక్వెస్ట్రియన్ అండ్ హార్స్ రేసింగ్ క్లబ్..  బహ్రెయిన్ ముమ్తాలకత్ హోల్డింగ్ కంపెనీ ఆధ్వర్యంలోని “మజాద్” సహకారంతో నిర్వహిస్తోంది. ఏప్రిల్ 28 వరకు జరిగే ఈ వేలం పాట బహ్రెయిన్‌లో మొదటిసారిగా వర్చువల్‌గా నిర్వహిస్తున్నారు.  

వరుసగా నాలుగోసారి జరుగుతున్న ఈ వార్షిక గుర్రాల వేలం.. ప్రధానమంత్రి దర్బారు మంత్రి అయిన షేక్ ఇసా బిన్ సల్మాన్ బిన్ హమద్ అల్ ఖలీఫా అధ్యక్షతన జరుగుతోంది.  ఈ రంగంలో మార్కెటింగ్‌ను బలోపేతం చేసే లక్ష్యంతో రషీద్ ఈక్వెస్ట్రియన్ అండ్ హార్స్ రేసింగ్ క్లబ్ మరియు మజాద్ మధ్య కుదిరిన ఒప్పందం కింద కూడా ఈ వేలం జరుగుతుంది.  

"మజాద్" మొబైల్ అప్లికేషన్ ద్వారా గుర్రాల యజమానులు, ఔత్సాహికులు మరియు ప్రజలు ఈ వేలంలో పాల్గొనవచ్చు. వేలం కోసం అందుబాటులో ఉన్న గుర్రాల తుది జాబితాను కంపెనీ అధికారిక వెబ్‌సైట్‌లో ప్రచురించినట్లు నిర్వాహకులు తెలియజేశారు.