యూఏఈః దుబాయ్ స్కూళ్లలో పీఈ క్లాసులను నిర్వహించేందుకు విద్యా మంత్రిత్వ శాఖ (MOE) మరియు నాలెడ్జ్ అండ్ హ్యూమన్ డెవలప్‌మెంట్ అథారిటీ (KHDA) ఆమోదం తెలిపాయి.
దీంతో ఈ వారం నుండి దశలవారీగా ఔట్ డోర్ కార్యకలాపాలు పునఃప్రారంభమవుతాయని పలు విద్యాసంస్థలు తల్లిదండ్రులకు పంపిన సర్క్యులర్ లో తెలియజేశాయి. ప్రస్తుత స్థిరమైన పరిస్థితులు మరియు అధికారిక మార్గదర్శకాల నేపథ్యంలో ఈ నిర్ణయం తీసుకున్నట్లు పేర్కొన్నాయి.పీఈ క్లాసులతోపాటు ఇతర విద్యా కార్యకలాపాలు ఏప్రిల్ 27నుండి దశలవారీగా అనుసరిస్తున్నాయని తెలియజేశాయి. ఏప్రిల్ 20 నుండి దుబాయ్‌లోని స్కూల్స్ దశలవారీగా తిరిగి ప్రారంభించిన కొద్ది రోజులకే ఈ నిర్ణయం తీసుకోవడంపై పేరెంట్స్ హర్షం వ్యక్తం చేస్తున్నారు.