ఈ మధ్య ఇండస్ట్రీలో కొత్త ట్రెండ్ నడుస్తోంది. తమకు మంచి సక్సెస్‌ని అందించిన వారికి గిఫ్ట్‌లు అందించడం కామన్‌గా మారింది. మొన్నటికి మొన్న మహేష్‌కి శ్రీమంతుడు లాంటి బ్లాక్ బస్టర్ విజయాన్ని అందించిన కొరటాలకి కారు బహుమతిగా ఇచ్చాడు ప్రిన్స్. తాజాగా నాన్నకు ప్రేమతో చిత్ర నిర్మాత బివియస్‌ఎన్ ప్రసాద్ నుండి సుకుమార్ సర్‌ప్రైజ్ గిఫ్ట్ అందుకున్నాడు. 52 లక్షల ఖరీదు గల ఈ బీయండబ్లూ ఎక్స్3 సిరీస్ కారుని బహుమతిగా అందించాడు ప్రసాద్. జానియర్ ఎన్టీఆర్ నటించిన నాన్నకు ప్రేమతో చిత్రం బాక్సాఫీస్ వద్ద మంచి కలెక్షన్లు సాధించిన సంగతి తెలిసిందే. ఈ చిత్రానికి 52 కోట్లకు పైగా వసూళ్ళు రాగా, ఎన్టీఆర్ కెరియర్‌లోనే ఎక్కువ వసూళ్లు సాధించిన చిత్రంగా నిలిచింది.