గత కొన్ని రోజులుగా రూ.31వేల పైనే ఉంటున్న బంగారం ధర నేడు తగ్గింది. డిమాండ్‌ లేమి కారణంగా నేటి బులియన్‌ మార్కెట్లో బంగారం రూ.31వేల దిగువకు పడిపోయింది. పది గ్రాముల పసిడి ధర రూ.170 తగ్గి రూ.30,930కి చేరింది. అంతర్జాతీయ మార్కెట్లో, నగల వ్యాపారుల నుంచి డిమాండ్‌ తగ్గినట్లు బులియన్‌ వర్గాలు పేర్కొంటున్నాయి. న్యూయార్క్‌ మార్కెట్లోనూ బంగారం తగ్గింది. ఔన్సు బంగారం ధర 1.7శాతం తగ్గి 1,344.40 డాలర్లకు చేరింది.
రూ.47వేల దిగువకు వెండి బంగారం బాటలోనే వెండి ధర కూడా తగ్గింది. రూ.47వేల మార్కు నుంచి పడిపోయింది. కేజీ వెండి రూ.900 తగ్గి రూ.46,300కి చేరింది. పారిశ్రామిక వర్గాల నుంచి, నాణేల తయారీదారుల నుంచి డిమాండ్‌ తగ్గినట్లు బులియన్‌ వర్గాలు చెప్తున్నాయి.