మస్కట్: ఒమన్ పోలీసులు భారీ ఆర్థిక మోసాన్ని అడ్డుకున్నారు. అంతర్జాతీయ నేరాల నివారణ సంస్థ (INTERPOL), జాతీయ కేంద్ర బ్యూరోల సహకారంతో నేర పరిశోధనల డైరెక్టరేట్ జనరల్ ఒక స్థానిక బ్యాంకు ద్వారా సుమారు $6.6 మిలియన్ల నిధులను బదిలీ చేసే ప్రయత్నాన్ని భగ్నం చేసింది.

ఒక ఆసియా దేశం నుండి వచ్చిన ఈ నిధులు.. సైబర్ మోసాల ద్వారా ఆర్జించిన సొమ్ముగా గుర్తించారు. సరిహద్దులు దాటి జరిగే సైబర్ నేరాలను అరికట్టడానికి రాయల్ ఒమన్ పోలీసులు చేస్తున్న నిరంతర ప్రయత్నాలలో భాగంగా ఈ ఆపరేషన్ నిర్వహించినట్లు అధికారులు తెలిపారు.