కువైట్ః నకిలీ ప్రయాణ వెబ్‌సైట్లు మరియు ఆన్‌లైన్ మోసాలకు ఉపయోగపడే ఆకర్షణీయమైన ఆఫర్ల బారిన పడకుండా ప్రయాణికులను జాతీయ సైబర్‌ సెక్యూరిటీ కేంద్రం హెచ్చరించింది. ప్రయాణికులు తమ ప్రయాణాలను సురక్షితంగా ప్లాన్ చేసుకోవాలని, అధికారిక మరియు విశ్వసనీయ ప్లాట్‌ఫారమ్‌ల ద్వారా మాత్రమే బుకింగ్‌లు చేసుకునేలా చూసుకోవాలని ఈ కేంద్రం కోరింది. ఈ మేరకు తన X ఖాతాలో ఒక ప్రకటన షేర్ చేసింది. మోసగాళ్లు సెలవుల సమయంలో ఆకర్షణీయమైన విమాన ప్రయాణ ఆఫర్లను ప్రచారం చేస్తారు. ఇవి తరచుగా వినియోగదారులను మోసం చేసి, వారిని నమ్మదగని వెబ్‌సైట్లకు మళ్లించేలా రూపొందించబడతాయని అని తెలిపింది. వ్యక్తిగత డేటాను రక్షించుకోవడానికి అనుమానాస్పద లింకులకు దూరంగా ఉండాలని జాతీయ సైబర్‌ సెక్యూరిటీ కేంద్రం సూచించింది.