మక్కా: ఇస్లాం మతంలో అత్యంత పవిత్రమైన స్థలమైన కాబా, ముహర్రం నెల మొదటి రోజైన మంగళవారం నాడు కొత్త 'కిస్వా' తో అలంకరించారు.పాత కిస్వాను తొలగించి కొత్త దానిని అమర్చే ఈ వార్షిక సంప్రదాయ కార్యక్రమం ఎంతో ఘనంగా జరిగింది. హజ్ మరియు ఉమ్రా వ్యవహారాల మంత్రి తౌఫీక్ అల్-రబియా ఈ కార్యక్రమాన్ని పర్యవేక్షించారు.   

150 మంది సౌదీ తయారీదారులు మరియు కళాకారులు తమ నైపుణ్యాలను ఉపయోగించి 11 నెలల పాటు శ్రమించి దీనిని రూపొందించారు. వారు 47 భాగాలతో కూడిన విలాసవంతమైన నల్లని పట్టు వస్త్రాన్ని తయారు చేసి,  దీనిపై 24-క్యారెట్ల బంగారు పూత పూసిన వెండి దారంతో 30 ఖురాన్ వచనాలను అద్భుతంగా అల్లారు. ఈ కిస్వా బరువు 1,410 కిలోగ్రాములు.

పవిత్ర కాబా లోపల, దాని గోడలు తులుత్ కాలిగ్రఫీలో ఖురాన్ వచనాలు మరియు ప్రార్థనలతో ఎంబ్రాయిడరీ చేయబడిన ఆకుపచ్చ వస్త్రంతో కప్పబడి ఉన్నది. ఇది ఆధ్యాత్మిక భక్తి మరియు అసాధారణమైన హస్తకళ రెండింటినీ ప్రతిబింబించే వాతావరణాన్ని సృష్టిస్తుంది.