ఈ వారాంతంలో కువైట్‌లో ఉష్ణోగ్రతలు 50 డిగ్రీలకు ఆ పైన చేరుకునే అవకాశం ఉన్నట్లు డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ (డిజిసిఎ) అధికారి అబ్దుల్‌ అజీజ్‌ అల్‌ కరావి చెప్పారు. అత్యధిక ఉష్ణోగ్రతలు 48 నుంచి 51 డిగ్రీల సెల్సియస్‌ ఉండవచ్చని అంచనా వేస్తున్నారు. అత్యల్ప ఉష్ణోగ్రతలు 33 నుంచి 36 డిగ్రీల సెల్సియస్‌ మధ్యన ఉంటాయి. మెరైన్‌ వెదర్‌ అంచనా ప్రకారం సముద్రపు అలల యెత్తు 1 నుంచి 4 మీటర్ల ఎత్తులో ఉంటాయి. శుక్రవారం బాగా వేడిగా ఉంటుందనీ, గంటకు 10 నుంచి 30 కిలోమీటర్ల వేగంతో వేడి గాలులు వీస్తాయని అధికారులు హెచ్చరిస్తున్నారు. రేపు కూడా వేడి ఉష్ణోగ్రత కొనసాగుతుంది. కొన్ని చోట్ల 49 నుంచి 53 డిగ్రీల వరకు ఉష్ణోగ్రత నమోదయ్యే అవకాశం ఉంది.