సౌదీ అరేబియా తక్కువ ధరల విమానయాన సంస్థ ఫ్లైదీల్ భారత్‌లోకి అడుగుపెట్టింది.. హైదరాబాద్–రియాద్ మధ్య రోజువారీ ఎయిర్‌బస్ A320 సర్వీసులతో పెరుగుతున్న ప్రయాణికుల డిమాండ్‌కు సేవలు...

హైదరాబాద్: జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ లిమిటెడ్ (GHIAL), సౌదియా గ్రూప్‌కు చెందిన వేగంగా అభివృద్ధి చెందుతున్న తక్కువ ధరల విమానయాన సంస్థ ఫ్లైఅడీల్ (flyadeal) తొలి హైదరాబాద్–రియాద్ విమాన సర్వీసుకు ఘన స్వాగతం పలికింది. ఈ సర్వీస్‌తో ఫ్లైఅడీల్ భారతీయ విమానయాన మార్కెట్‌లో అధికారికంగా ప్రవేశించింది. హైదరాబాద్ అంతర్జాతీయ విమానాశ్రయానికి చేరుకున్న తొలి విమానానికి జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ లిమిటెడ్ సీఈఓ కదిర్ కదిరవన్, జీహెచ్‌ఐఏఎల్‌కు చెందిన ఇతర సీనియర్ అధికారులు, ఫ్లైదీల్ చీఫ్ కమర్షియల్ ఆఫీసర్ లాయిడ్‌జో మిస్క్విట్టా, ఫ్లైదీల్ హెడ్ ఆఫ్ ఎయిర్‌పోర్ట్ ఆపరేషన్స్ అబ్దుల్‌రహ్మాన్ అల్‌రషీద్ హాజరయ్యారు. ఈ పరిణామం హైదరాబాద్ విమానాశ్రయాన్ని అభివృద్ధి చెందుతున్న అంతర్జాతీయ విమానయాన కేంద్రంగా మరింత బలోపేతం చేయడంతో పాటు, భారత్–సౌదీ అరేబియా మధ్య వైమానిక అనుసంధానాన్ని మరింత విస్తరించనుంది.

ప్రపంచ విమానయాన రంగం వేగంగా మారుతున్న పరిస్థితులు, ఇంధన సంబంధిత సవాళ్ల మధ్య కూడా హైదరాబాద్ విమానాశ్రయం తన వ్యూహాత్మక దూరదృష్టి, స్థిరత్వాన్ని మరోసారి చాటుకుంది. సౌదియా గ్రూప్‌కు చెందిన వేగంగా అభివృద్ధి చెందుతున్న తక్కువ ధరల విమానయాన సంస్థ ఫ్లైదీల్‌ను కొత్త ఎయిర్‌లైన్ భాగస్వామిగా చేర్చుకోవడం ద్వారా, భారత్‌కు కీలకమైన అంతర్జాతీయ ప్రవేశ ద్వారంగా తన స్థానాన్ని మరింత బలోపేతం చేసుకుంది. ఫ్లైదీల్ ఎయిర్‌బస్ A320 విమానాలతో రియాద్–హైదరాబాద్–రియాద్ మార్గంలో వారానికి ఏడు రోజులూ (రోజువారీ) సర్వీసులను నిర్వహించనుంది.

ఈ సందర్భంగా జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ లిమిటెడ్ సీఈఓ కదిర్ కదిరవన్ మాట్లాడుతూ, “భారతీయ మార్కెట్‌లో తొలి అడుగు వేస్తున్న ఫ్లైదీల్‌కు హైదరాబాద్‌లో స్వాగతం పలకడం మాకు ఎంతో ఆనందంగా ఉంది. రియాద్‌కు ఈ కొత్త నేరుగా విమాన సర్వీస్ మా ఎయిర్‌లైన్ భాగస్వామ్య నెట్‌వర్క్‌లో మరో కీలక చేరిక. ఇది మా మధ్యప్రాచ్య కనెక్టివిటీని గణనీయంగా బలోపేతం చేయడంతో పాటు, ప్రపంచ స్థాయి విమానయాన కేంద్రంగా హైదరాబాద్ విమానాశ్రయానికి పెరుగుతున్న ప్రాధాన్యతను ప్రతిబింబిస్తుంది. హైదరాబాద్ విమానాశ్రయంలో ప్రతి ప్రయాణికుడికి అంతరాయం లేని అనుసంధానం, సౌకర్యవంతమైన ప్రపంచ స్థాయి ప్రయాణ అనుభవాన్ని అందించేందుకు మేము కట్టుబడి ఉన్నాము. ఈ కొత్త సర్వీస్ భారతీయ ప్రవాసులు, వ్యాపార వర్గాల మధ్య అనుసంధానాన్ని మరింత బలోపేతం చేయడమే కాకుండా, ఇరు ప్రాంతాల మధ్య పర్యాటకం, వాణిజ్యానికి కొత్త అవకాశాలను కూడా సృష్టిస్తుంది. మా నెట్‌వర్క్‌ను మరింత విస్తరిస్తున్న ఈ సమయంలో, ప్రయాణికులకు మరింత సమర్థవంతమైన, సౌకర్యవంతమైన మరియు అందరికీ అందుబాటులో ఉండే ప్రయాణ అనుభవాన్ని అందించడంపైనే మా దృష్టి కొనసాగుతుంది” అని తెలిపారు.

ప్రస్తుతం హైదరాబాద్ విమానాశ్రయం ప్రపంచవ్యాప్తంగా తన అనుసంధానాన్ని మరింత విస్తరించుకుంటూ, 76 దేశీయ మరియు 24 అంతర్జాతీయ గమ్యస్థానాలకు విమాన సర్వీసులను అందిస్తోంది. ఫ్లైదీల్ చేరికతో భారత్–సౌదీ అరేబియా రాజ్యం మధ్య వైమానిక అనుసంధానం మరింత బలోపేతం కానుంది. దీంతో వ్యాపార ప్రయాణికులు, ప్రవాస భారతీయులు మరియు విహారయాత్రికుల నుంచి పెరుగుతున్న ప్రయాణ డిమాండ్‌కు మెరుగైన సేవలు అందుబాటులోకి రానున్నాయి.

ప్రయాణికులకు సౌకర్యవంతమైన సమయాల్లో విమానాల రాకపోకలు ఉండేలా ఈ కొత్త సర్వీస్‌ను రూపొందించారు.దీంతో ప్రయాణికులు మరింత సాఫీగా, సౌకర్యవంతంగా ప్రయాణించే అవకాశాన్ని పొందనున్నారు.

హైదరాబాద్ నుంచి ప్రయాణించే ప్రయాణికులు సౌదీ అరేబియాలోని ఫ్లైఅడీల్ దేశీయ నెట్‌వర్క్ ద్వారా అంతరాయం లేని తదుపరి అనుసంధానాన్ని పొందగలుగుతారు. దీంతో సౌదీ అరేబియాలోని అనేక నగరాలకు సులభంగా చేరుకునే అవకాశం లభిస్తుంది.

సౌదీ అరేబియా రాజధాని రియాద్ సంప్రదాయం మరియు ఆధునికతకు ప్రతీకగా నిలుస్తోంది. దేశ రాజకీయ, ఆర్థిక, సాంస్కృతిక కేంద్రంగా ఉన్న ఈ నగరం విజన్ 2030 కార్యక్రమం కింద వేగంగా అభివృద్ధి చెందుతోంది. వ్యాపార అవకాశాలు, చారిత్రక వారసత్వ ప్రదేశాలు మరియు ఆధునిక ఆకర్షణల సమ్మేళనంగా రియాద్ భారతీయ ప్రయాణికులకు మరింత ఆకర్షణీయమైన గమ్యస్థానంగా మారుతోంది.

ఫ్లైఅడీల్ భారతీయ మార్కెట్‌కు తన ప్రత్యేకమైన సరసమైన విమాన ప్రయాణ సేవలను పరిచయం చేస్తోంది. ప్రయాణికుల అవసరాలకు అనుగుణంగా సౌకర్యవంతమైన, వ్యక్తిగతీకరించిన ప్రయాణ అనుభవాన్ని అందించడంపై సంస్థ దృష్టి సారించింది. ‘ఫ్లై ఫర్ లెస్’ తత్వంతో పాటు fly, fly+, flyMax వంటి ప్రత్యేక బుకింగ్ ప్యాకేజీల ద్వారా ప్రయాణికులు తమ అవసరాలకు అనుగుణంగా సేవలను ఎంపిక చేసుకునే అవకాశం ఉంటుంది. ఇందులో బ్యాగేజీ, సీట్ల ఎంపిక నుంచి ప్రయాణ మార్పులు, రద్దుల విషయంలో అధిక సౌలభ్యం వంటి సేవలు కూడా అందుబాటులో ఉంటాయి.

ఫ్లైఅడీల్ కార్యకలాపాల ప్రారంభం, అంతర్జాతీయ అనుసంధానాన్ని మరింత విస్తరించడం, ఎయిర్‌లైన్ భాగస్వామ్యాలను వైవిధ్యపరచడం, అలాగే ప్రయాణికులకు మరిన్ని ఎంపికలు మరియు మెరుగైన సౌలభ్యాన్ని అందించాలనే హైదరాబాద్ విమానాశ్రయం దీర్ఘకాలిక లక్ష్యాలకు అనుగుణంగా ఉంది.

ఈ సందర్భంగా ఫ్లైఅడీల్ చీఫ్ కమర్షియల్ ఆఫీసర్ (ఏ) లాయిడ్ మిస్క్విట్టా మాట్లాడుతూ, “భారతదేశంలో కార్యకలాపాలను ప్రారంభిస్తూ హైదరాబాద్‌కు మా తొలి సర్వీస్‌ను ప్రారంభించడం ఫ్లైదీల్‌కు ఒక కీలక మైలురాయి. ప్రపంచంలోనే అత్యంత వేగంగా అభివృద్ధి చెందుతున్న, చురుకైన విమానయాన మార్కెట్లలో భారతదేశం ఒకటి. రియాద్–హైదరాబాద్ మధ్య ఈ రోజువారీ నేరుగా విమాన సర్వీస్‌ను ప్రారంభించేందుకు జీఎంఆర్ హైదరాబాద్ అంతర్జాతీయ విమానాశ్రయంతో భాగస్వామ్యం కావడం మాకు ఎంతో ఆనందంగా ఉంది. ఈ కొత్త సర్వీస్ సౌదీ అరేబియా రాజ్యం మరియు భారతదేశం మధ్య వైమానిక అనుసంధానాన్ని మరింత బలోపేతం చేయనుంది. ఇరు దేశాల మధ్య పెరుగుతున్న ప్రయాణ డిమాండ్‌కు ఈ కొత్త మార్గం నిదర్శనంగా నిలుస్తోంది. అదే సమయంలో మా అంతర్జాతీయ నెట్‌వర్క్‌ను విస్తరించడంతో పాటు, ప్రయాణికులకు మరిన్ని ఎంపికలు, మెరుగైన సౌలభ్యం మరియు అత్యుత్తమ విలువను అందించాలనే మా నిబద్ధతను ఇది ప్రతిబింబిస్తుంది. మా విమానాల్లో ప్రయాణికులకు స్వాగతం పలకడంతో పాటు, భారత్–సౌదీ అరేబియా మధ్య వ్యాపారం, పర్యాటకం మరియు సాంస్కృతిక సంబంధాలను మరింత బలోపేతం చేయడంలో భాగస్వాములు కావాలని ఎదురుచూస్తున్నాము” అని తెలిపారు.

విమాన సర్వీసుల షెడ్యూల్