మనామా: బహ్రెయిన్‌లో సోమవారం తెల్లవారుజామున అత్యవసర సైరన్లను మోగించినట్లు ఆ దేశ అంతర్గత వ్యవహారాల మంత్రిత్వ శాఖ వెల్లడించింది. పౌరులు, నివాసితులంతా ప్రశాంతంగా ఉండి సమీపంలోని సురక్షిత ప్రాంతాలకు వెంటనే వెళ్లాలని సూచించింది.

ఈ మేరకు అంతర్గత వ్యవహారాల మంత్రిత్వ శాఖ తన అధికారిక ఎక్స్ (X) ఖాతా ద్వారా ప్రకటన విడుదల చేసింది. "సైరన్ మోగించబడింది. పౌరులు, నివాసితులు ఆందోళన చెందకుండా ప్రశాంతంగా ఉండి, సమీపంలోని సురక్షిత ప్రాంతాలకు వెళ్లాలి" అని ఆ ప్రకటనలో పేర్కొంది.

ప్రస్తుత పరిస్థితిని అధికారులు నిరంతరం పర్యవేక్షిస్తున్నారని, ప్రజలు అధికారిక వర్గాలు జారీ చేసే భద్రతా సూచనలను తప్పనిసరిగా పాటించాలని మంత్రిత్వ శాఖ కోరింది.

అయితే, సైరన్లు మోగించడానికి గల కారణంపై అధికారులు వెంటనే ఎలాంటి వివరాలు వెల్లడించలేదు.