కువైట్ సిటీ: కువైట్‌లోని జలీబ్ అల్ షుయూఖ్ ప్రాంతంలో 48 గంటల పాటు నిర్వహించిన ప్రత్యేక తనిఖీ కార్యక్రమంలో పబ్లిక్ అథారిటీ ఫర్ ఫుడ్ అండ్ న్యూట్రిషన్ (PAFN) అధికారులు 315 ఉల్లంఘనలను నమోదు చేశారు. తనిఖీల సందర్భంగా భారీ మొత్తంలో పాడైన ఆహార పదార్థాలను స్వాధీనం చేసుకుని ధ్వంసం చేశారు.

ప్రభుత్వంలోని సంబంధిత శాఖల సహకారంతో చేపట్టిన ఈ విస్తృత తనిఖీ కార్యక్రమంలో ఆహార విక్రయ కేంద్రాలు, రెస్టారెంట్లు, ఇతర ఆహార సంస్థలను క్షుణ్నంగా పరిశీలించారు. ఆరోగ్య, ఆహార భద్రతా నిబంధనలను ఉల్లంఘించిన అనేక సంస్థలపై చర్యలు తీసుకున్నారు. 

కువైట్ వ్యాప్తంగా అన్ని గవర్నరేట్లలో ఇలాంటి తనిఖీ కార్యక్రమాలను కొనసాగిస్తామని పబ్లిక్ అథారిటీ ఫర్ ఫుడ్ అండ్ న్యూట్రిషన్ తెలిపింది. ఆహార భద్రతా ప్రమాణాలను కచ్చితంగా అమలు చేయడం, నిబంధనలు ఉల్లంఘించే వారిపై కఠిన చర్యలు తీసుకోవడం, వినియోగదారులకు సురక్షితమైన ఆహారం అందేలా చూడడమే తమ లక్ష్యమని పేర్కొంది.