రియాద్: సౌదీ అరేబియాలోని అసీర్ ప్రాంతంలో 27 కిలోల హషీష్ (మాదకద్రవ్యం) అక్రమంగా విక్రయించేందుకు ప్రయత్నించిన ఇద్దరు యెమెన్ ప్రవాసులను రోడ్ సెక్యూరిటీ స్పెషల్ ఫోర్సెస్ అధికారులు అరెస్టు చేశారు. మాదకద్రవ్యాల అక్రమ రవాణా, విక్రయాలను అరికట్టేందుకు భద్రతా సంస్థలు చేపడుతున్న నిరంతర చర్యల్లో భాగంగా ఈ అరెస్టులు జరిగినట్లు అధికారులు తెలిపారు. నిందితులపై అవసరమైన చట్టపరమైన ప్రక్రియలను పూర్తి చేసి, తదుపరి చర్యల కోసం సంబంధిత అధికారులకు అప్పగించినట్లు వెల్లడించారు.

మాదకద్రవ్యాల అక్రమ రవాణా లేదా విక్రయాలపై సమాచారం తెలిసిన పౌరులు, ప్రవాసులు వెంటనే అధికారులకు తెలియజేయాలని సౌదీ భద్రతా సంస్థలు విజ్ఞప్తి చేశాయి. ఇందుకోసం 995 నంబర్‌కు లేదా మక్కా, మదీనా, రియాద్, తూర్పు ప్రావిన్స్‌లలో 911, ఇతర ప్రాంతాల్లో 999 నంబర్లకు ఫోన్ చేసి ఫిర్యాదు చేయవచ్చని పేర్కొన్నాయి. సమాచారం అందించిన వారి వివరాలను పూర్తిగా గోప్యంగా ఉంచుతామని, సమాచారం ఇచ్చిన వారికి ఎలాంటి చట్టపరమైన ఇబ్బంది ఉండదని అధికారులు స్పష్టం చేశారు.