దుబాయ్: భారత్ లో కాలేజీ ప్రవేశాల గడువు సమీపిస్తున్న నేపథ్యంలో ఎన్‌ఆర్‌ఐ (NRI) సర్టిఫికెట్ల జారీకి సంబంధించి అత్యవసర సేవలను విస్తరిస్తున్నట్లు దుబాయ్‌లోని భారత కాన్సులేట్ ప్రకటించింది. ఈ మేరకు జూలై 25 (శనివారం) ఉదయం **8:30 గంటల నుంచి మధ్యాహ్నం 12 గంటల వరకు పరిమిత వాక్-ఇన్ సదుపాయాన్ని కల్పిస్తున్నట్లు తెలిపింది. జూలై 31లోపు డాక్యుమెంట్లు సమర్పించాల్సిన గడువు ఉన్న దరఖాస్తులను మాత్రమే స్వీకరిస్తామని స్పష్టం చేసింది.

దరఖాస్తుదారులు కాన్సులేట్ వెబ్‌సైట్‌లో అందుబాటులో ఉన్న ఎన్‌ఆర్‌ఐ సర్టిఫికెట్ దరఖాస్తు ఫారమ్ ను పూర్తి చేసి, అందులో పేర్కొన్న అన్ని పత్రాలతో పాటు ఉద్యోగ ధ్రువీకరణ పత్రం (Employment Certificate)ను తీసుకురావాల్సి ఉంటుంది. సేవలు ముందుగా వచ్చిన వారికి ముందుగా (First Come, First Served) అందించబడతాయని, దరఖాస్తుదారులు గేట్ నంబర్–1 ద్వారా కాన్సులేట్‌లోకి ప్రవేశించాలని అధికారులు సూచించారు.