మస్కట్: సముద్రంలో ప్రయాణిస్తున్న వాణిజ్య నౌకలో ఉన్న భారతీయుడికి అత్యవసర వైద్య సహాయం అవసరం కావడంతో ఒమన్ రాయల్ ఎయిర్‌ఫోర్స్ (RAFO) వైద్య తరలింపు ఆపరేషన్ చేపట్టింది. అనారోగ్యంతో అత్యవసర పరిస్థితి తలెత్తడంతో బాధితుడిని హెలికాప్టర్ ద్వారా నౌక నుంచి తరలించారు. అనంతరం అల్ వుస్తా గవర్నరేట్‌లోని దుక్మ్ ఆసుపత్రికి తీసుకెళ్లి చికిత్స అందిస్తున్నారు. సకాలంలో వైద్య సేవలు అందించేందుకు అత్యవసర వైద్య తరలింపు చర్యలు చేపట్టినట్లు అధికారులు తెలిపారు.