యంగ్ హీరో శర్వానంద్ మరియు స్టార్ డైరెక్టర్ శ్రీను వైట్ల క్రేజీ కాంబినేషన్‌లో తెరకెక్కుతున్న నూతన చిత్రం ‘జార్జ్ క్రిష్’ అధికారికంగా ప్రారంభమైంది. పూజా కార్యక్రమాలతో షూటింగ్‌ను మొదలుపెట్టిన మేకర్స్, ఈ సందర్భంగా సినిమా టైటిల్‌ను అధికారికంగా ప్రకటిస్తూ ఫస్ట్ లుక్ పోస్టర్‌ను విడుదల చేశారు. అంతటితో ఆగకుండా, ఈ చిత్రాన్ని 2027 జనవరి 14న సంక్రాంతి కానుకగా ప్రపంచవ్యాప్తంగా విడుదల చేయనున్నట్లు స్పష్టం చేశారు. పూర్తిస్థాయి లవ్ అండ్ ఔట్ అండ్ ఔట్ కామెడీ ఎంటర్‌టైనర్‌గా రూపొందుతున్న ఈ చిత్రం సంక్రాంతి రేసులో సరికొత్త వినోదాన్ని పంచేందుకు సిద్ధమవుతోంది.

శ్రీను వైట్ల రీ-ఎంట్రీ ప్రయత్నం.. శర్వానంద్ ‘సంక్రాంతి సెెంటిమెంట్’!

గత కొన్నేళ్లుగా సరైన హిట్ లేక సతమతమవుతున్న దర్శకుడు శ్రీను వైట్లకు ఈ సినిమా అత్యంత కీలకమైనదిగా మారింది. తన మార్క్ టైమింగ్, కామెడీతో ఈ చిత్రంతో మళ్లీ గ్రాండ్ సక్సెస్ ట్రాక్‌లోకి వస్తారని సినీ వర్గాలు విశ్లేషిస్తున్నాయి. మరోవైపు కథానాయకుడు శర్వానంద్‌కు సంక్రాంతి సీజన్ బాగా కలిసివచ్చిన సెంటిమెంట్ అని చెప్పవచ్చు. గతంలో పండగ రేసులో వచ్చిన ‘శతమానం భవతి’, ‘ఎక్స్‌ప్రెస్ రాజా’, ‘నారీ నారీ నడుమ మురారి’ వంటి చిత్రాలతో భారీ విజయాలను అందుకున్న శర్వా, ‘జార్జ్ క్రిష్’ తో మరోసారి బాక్సాఫీస్ వద్ద విజేతగా నిలవాలని భావిస్తున్నారు.