షిర్డీ సాయిబాబా దర్శనానికి భక్తులు గంటల తరబడి క్యూలో వేచి చూసే ఇబ్బందులు తొలగనున్నాయి. తిరుమల తరహాలో ముందస్తుగా పేర్లు నమోదు చేసుకునే సదుపాయాన్ని షిర్డీ సాయిబాబా సంస్థాన్‌ ట్రస్ట్‌(ఎస్‌ఎస్‌ఎస్‌టీ) ప్రవేశపెట్టనుంది. ఇకపై భకులు తమ విలువైన సమయం వృథా కాకుండా ముందస్తుగా పేర్లు నమోదు చేసుకోవచ్చని ట్రస్ట్‌ కొత్త చైర్మన్‌ సురేష్‌ హవారే వెల్లడించారు. ఇందులో భాగంగా 'ప్లాన్‌ దర్శన్‌'ను మూడు నెలల్లో ప్రవేశపెట్టనున్నామని విలేకరులకు తెలిపారు. పేర్ల నమోదు కోసం డిజిటల్‌ మీడియాతో పాటు ఇతర బుకింగ్‌ కేంద్రాలను వినియోగించుకుంటామన్నారు.