రాహుల్‌ రవీంద్రన్‌, నిత్యాశెట్టి, తరుణిక హీరోహీరోయిన్లుగా రాథోడ్‌ ఎం. దర్శకత్వంలో అమ్మనాన్న ఫిలింస్‌ పతాకంపై మణీంద్రన్‌ ఎం. నిర్మిస్తున్న 'రామసక్కనోడు' చిత్రం ఇటీవల రామానాయుడు స్టూడియోలో ప్రారంభమైంది. అతిథిగా విచ్చేసిన దాసరి నారాయణరావు హీరోహీరోయిన్లపై చిత్రీకరించిన ముహూర్తపు సన్నివేశానికి క్లాప్‌నివ్వగా, సీనియర్‌ జర్నలిస్ట్‌ వినాయకరావు కెమెరా స్విచాన్‌ చేశారు. నిర్మాత మణీంద్రన్‌ మాట్లాడుతూ, 'కథ నచ్చి నిర్మాణ రంగంలోకి అడుగుపెట్టాం. గురువారం నుంచి ప్రారంభమయ్యే రెగ్యులర్‌ షూటింగ్‌ని 15రోజుల పాటు జరుపనున్నాం' అని అన్నారు. 'ఆద్యంతం వినోదాత్మకంగా సినిమా సాగు తుంది. కథకు తగ్గట్టుగా మంచి ఆర్టిస్టులు దొరికారు.నిర్మాతలు క్వాలిటీ విషయంలో ఏమాత్రం రాజీపడకుండా నిర్మిస్తున్నారు' అని దర్శకుడు రాథోడ్‌ ఎం. తెలిపారు. హీరో రాహుల్‌ రవీంద్రన్‌ చెబుతూ, 'మంచి వినోదమున్న కథ ఇది. నా పాత్ర భిన్నంగా ఉంటుంది' అని చెప్పారు.