ఈ-స్కూటర్లపై అబుదాబి పోలీసుల హెచ్చరిక..!!
- September 27, 2026
అబుదాబి: ఈ-బైక్లు, ఈ-స్కూటర్లను ఉపయోగించే వారు ట్రాఫిక్ నిబంధనలు తప్పనిసరిగా పాటించాలని అబుదాబి పోలీసులు హెచ్చరించారు. ముఖ్యంగా ప్రధాన రహదారులపై ఈ-స్కూటర్లతో ప్రయాణించడం ప్రమాదకరమని సూచించారు. ట్రాఫిక్ నిబంధనలు పాటించకుండా ఈ-స్కూటర్లు నడుపుతున్న తీరును చూపిస్తూ పోలీసులు ఓ వీడియోను విడుదల చేశారు.
కొందరు రైడర్లు అనుమతి లేని ప్రాంతాల్లో, ప్రధాన రహదారులపై ఇతర వాహనాల మధ్య నుంచి దూసుకెళ్తూ ప్రయాణిస్తున్నట్లు వీడియోలో చూపించారు. ఇలాంటి చర్యలు రైడర్ల ప్రాణాలకు ప్రమాదం కలిగించే అవకాశం ఉందని పోలీసులు తెలిపారు. ఈ-బైక్లు, ఈ-స్కూటర్లను అధికారికంగా నిర్దేశించిన మార్గాలు, ప్రాంతాల్లో మాత్రమే వినియోగించాలని, ప్రధాన రహదారులకు దూరంగా ఉండాలని సూచించారు.
హెల్మెట్ తప్పనిసరి
ప్రమాదాల నివారణ, గాయాల తీవ్రతను తగ్గించేందుకు రైడర్లు హెల్మెట్తో పాటు మోకాళ్లు, మోచేతులకు రక్షణ కల్పించే గార్డులు ధరించాలని పోలీసులు సూచించారు. ఇతర భద్రతా నిబంధనలను కూడా తప్పనిసరిగా పాటించాలని తెలిపారు. పిల్లలు ఈ-బైక్లు, ఈ-స్కూటర్లను ప్రమాదకరంగా ఉపయోగించకుండా తల్లిదండ్రులు అవగాహన కల్పించాలని అబుదాబి పోలీసులు కోరారు.
తాజా వార్తలు
- ట్రాఫిక్ను తప్పించుకునేందుకు రోడ్ షోల్డర్ పై వాహనాలు నడిపితే జరిమానా..
- ఆధార్ కార్డు ఉన్నవారికి బిగ్ అలర్ట్..
- షార్జా రూలర్ షేక్ సుల్తాన్ బిన్ మహమ్మద్ అల్ ఖాసిమికి విజయవంతంగా శస్త్రచికిత్స
- పిఠాపురంలో మోడల్ అంగన్వాడీ కేంద్రాన్ని ప్రారంభించిన ఉపాసన
- దుబాయ్లో భారీగా తగ్గిన బంగారం ధరలు..13 నెలల కనిష్ఠానికి ధర..!!
- KAFD పై దాడులను తీవ్రంగా ఖండించిన GCC..!!
- UNO సూచీలో ఒమన్కు మెరుగైన ర్యాంకు..!!
- కువైట్లో 494 భవనాలు కూల్చివేత.. ఆదేశాలు జారీ..!!
- బహ్రెయిన్లో ‘సెలబ్రేట్ బహ్రెయిన్ 2026’..!!
- దోహా ఫిల్మ్ ఫెస్టివల్ 2026 ఘనంగా ప్రారంభం..!!







