దుబాయ్: భారత కాన్సుల్ జనరల్ డా.ఈ.విష్ణువర్ధన్ రెడ్డి షార్జా ఛాంబర్ ఆఫ్ కామర్స్ అండ్ ఇండస్ట్రీ చైర్మన్ అబ్దుల్లా సుల్తాన్ అల్ ఒవైస్‌తో సమావేశమయ్యారు. సోమవారం జరిగిన ఈ భేటీలో భారత్–షార్జా మధ్య వాణిజ్య, పెట్టుబడులు, ఆర్థిక సహకారాన్ని మరింత ముందుకు తీసుకెళ్లే మార్గాలపై ఇరువురు చర్చించారు.

భారత్–షార్జా మధ్య ఇప్పటికే ఉన్న వాణిజ్య, ఆర్థిక సంబంధాలను మరింత బలోపేతం చేయడంతో పాటు, ఇరు ప్రాంతాల వ్యాపార వర్గాలకు కొత్త అవకాశాలను కల్పించే అంశాలపై సమావేశంలో చర్చించినట్లు భారత కాన్సులేట్ జనరల్, దుబాయ్ వెల్లడించింది.

పెట్టుబడులను ప్రోత్సహించడం, వ్యాపార సంబంధాలను విస్తరించడం, ఆర్థిక సహకారానికి కొత్త మార్గాలను అన్వేషించడం ద్వారా భారత్–షార్జా సంబంధాలను మరింత బలోపేతం చేయాలని ఇరుపక్షాలు అభిప్రాయపడ్డాయి.