కువైట్లో ట్రాఫిక్ సమస్యకు చెక్..!!
- November 19, 2026
కువైట్ : కువైట్లో రోజురోజుకూ పెరుగుతున్న ట్రాఫిక్ రద్దీని నియంత్రించేందుకు భవన నిర్మాణ అనుమతులు, భూ వినియోగ మార్పులు, రహదారుల అభివృద్ధిని ప్రజా రవాణా ప్రణాళికతో అనుసంధానించాలని మున్సిపల్ కౌన్సిల్ సభ్యుడు డాక్టర్ హసన్ కమల్ సూచించారు. కొత్త భవనాలు, భారీ నిర్మాణ ప్రాజెక్టులకు అనుమతులు ఇచ్చే సమయంలో ఆయా ప్రాంతాల్లోని రహదారుల సామర్థ్యాన్ని తప్పనిసరిగా పరిశీలించాలని ఆయన పేర్కొన్నారు. ట్రాఫిక్ అధ్యయనాల ద్వారా రహదారులపై పడే అదనపు భారం, వాహనాల రద్దీ ఎక్కువయ్యే ప్రాంతాలు, భవిష్యత్తులో ఎదురయ్యే సమస్యలను ముందుగానే గుర్తించి పరిష్కారాలు చేపట్టాలని సూచించారు.
అయితే కొన్ని ప్రాంతాల్లో ట్రాఫిక్ అధ్యయనాల్లో చేసిన సిఫార్సులను పూర్తిస్థాయిలో అమలు చేయకుండానే నిర్మాణ ప్రాజెక్టులకు అనుమతులు ఇస్తున్నారని ఆయన ఆందోళన వ్యక్తం చేశారు. కేవలం రహదారులను విస్తరించడం ద్వారా ట్రాఫిక్ సమస్యకు శాశ్వత పరిష్కారం లభించదని హసన్ కమల్ స్పష్టం చేశారు. జనాభా పెరుగుదల, వాహనాల సంఖ్య అధికమవుతున్న నేపథ్యంలో సమర్థవంతమైన ప్రజా రవాణా వ్యవస్థను అభివృద్ధి చేయడం అత్యవసరమని తెలిపారు.
నిర్మాణ ప్రాజెక్టుల్లోనే ప్రజా రవాణాకు స్థానం
నగర అభివృద్ధి ప్రణాళికలు, ప్రభుత్వ మాస్టర్ ప్లాన్లో ప్రజా రవాణాను కీలక భాగంగా చేర్చాలని ఆయన కోరారు. కొత్త ప్రాజెక్టులకు అనుమతులు ఇచ్చే సమయంలో బస్సు మార్గాలు, రవాణా కేంద్రాలు, స్టేషన్ల ఏర్పాటుకు అవసరమైన స్థలాన్ని ముందుగానే కేటాయించాలని సూచించారు. బస్సులు, ఇతర ప్రజా రవాణా మార్గాల మధ్య అనుసంధానం మెరుగుపరచడంతో పాటు కొత్త నిర్మాణాలు చేపట్టే సమయంలోనే రవాణా మౌలిక సదుపాయాలను కూడా అభివృద్ధి చేయాలని పేర్కొన్నారు.
అమలుపై నిరంతర పర్యవేక్షణ అవసరం
ట్రాఫిక్ ప్రణాళికలు కేవలం ప్రతిపాదనలకే పరిమితం కాకుండా క్షేత్రస్థాయిలో అమలయ్యేలా నిర్దిష్ట పనితీరు ప్రమాణాలను (Performance Indicators) రూపొందించాలని హసన్ కమల్ సూచించారు. నగర విస్తరణకు అనుగుణంగా రవాణా సదుపాయాలు అభివృద్ధి చెందుతున్నాయా లేదా అన్నది నిరంతరం పర్యవేక్షించాలని తెలిపారు. సమగ్ర పట్టణ ప్రణాళిక, ప్రజా రవాణా అభివృద్ధి ద్వారానే కువైట్లో పెరుగుతున్న ట్రాఫిక్ రద్దీకి దీర్ఘకాలిక పరిష్కారం సాధ్యమవుతుందని ఆయన అభిప్రాయపడ్డారు.
తాజా వార్తలు
- హైదరాబాద్లో ‘నషా ముక్త్ భారత్ యాత్ర’..
- యూఏఈ సముద్ర తీరాల్లో అద్భుత దృశ్యం..!!
- కువైట్లో ట్రాఫిక్ సమస్యకు చెక్..!!
- ఒమన్ లో 344 మంది ఖైదీలకు సుల్తాన్ క్షమాభిక్ష..!!
- బహ్రెయిన్లో నవంబర్ 24 నుంచి సిటీ స్కేప్ 2026..!!
- రియాద్లో మరో 25 కొత్త పార్కులు ప్రారంభం..!!
- ఖతార్లో ఎలక్ట్రిక్ స్కూటర్లకు రిజిస్ట్రేషన్ తప్పనిసరి..!!
- విశాఖ–తిరుపతి మధ్య మరో వందేభారత్ రైలు
- సౌదీ అరేబియాకు వెళ్ళే ఇండిగో విమానాలు Nov 30 వరకు రద్దు
- నేడు తొలిసారిగా త్రైపాక్షిక సమావేశం నిర్వహించనున్న ట్రంప్, పుతిన్, షీ జిన్పింగ్







