యూఏఈ జాతీయులకి 91 దేశాలు ముందస్తు వీసా లేకుండా తమ దేశాల్లోకి అనుమతిస్తున్నాయి. ఇటీవల సుడాన్‌, బోట్స్‌వానా దేశాలు కూడా యూఏఈ జాతీయులకు వీసా రిక్వైర్‌మెంట్స్‌ నుంచి వెసులుబాటు కల్పించింది. అలాగే 13 దేశాలు వీసా ఆన్‌ ఎరైవల్‌ సౌకర్యాన్ని యూఏఈ నేషనల్స్‌కి అందిస్తున్నాయి. మొత్తం 14 దేశాల్లో యూఏఈ జాతీయులకు వీసా అవసరం లేని ఎంట్రీ లభిస్తోందని మినిస్ట్రీ ఆఫ్‌ ఫారిన్‌ ఎఫైర్స్‌ వర్గాలు వెల్లడించాయి. సౌదీ అరేబియా, కువైట్‌, బహ్రెయిన్‌, కతార్‌, ఒమన్‌, సిరియా, ట్యునీషియా, ఈజిప్ట్‌, జోర్డాన్‌, లెబనాన్‌, మొరాకో, యెమెన్‌, కోమోరోస్‌, సుడాన్‌ దేశాల్లో ఈ సౌకర్యం అందుబాటులో ఉంది. ఆఫ్రికా దేశాల్లో బోట్సువానా, ఎరిట్రియా, సియాఛెల్స్‌, మారిషస్‌, స్వాజిలాండ్‌, సెనగల్‌ దేశాలు యూఏఈకి వీసా లేకుండా వెసులుబాటు కల్పించాయి. ఆసియాలో తీసుకుంటే ఈ సౌకర్యం కల్పించిన దేశాలుగా సింగపూర్‌, మలేసియా, ఫిలిప్పీన్స్‌, థాయిలాండ్‌, హాంగ్‌కాంగ్‌, కజకిస్తాన్‌, కొరియా, బ్రూనై, కిర్గిస్తాన్‌ ఉన్నాయి. 6 ఆసియా దేశాలు వీసా ఆన్‌ అరైవల్‌ సౌకర్యాన్ని అందిస్తున్నాయి. యూరోప్‌లో 44 దేశాలు వీసా లేకుండా యూఏఈ జాతీయులను అనుమతిస్తున్నాయి.