పవర్ స్టార్ పవన్ కళ్యాణ్ వీరాభిమాని వినోద్ హత్య కేసులో ప్రధాన నిందితుడైన అక్షయ్ కుమార్ ను పోలీసులు అరెస్టు చేశారు. కర్నాటక లోని బళ్ళారి జిల్లా సండూర్ తాలూకా నర్సాపూర్ గ్రామంలో అతడిని అదుపులోకి తీసుకున్నట్టు సమాచారం. హత్యకు గురైన వినోద్ కుటుంబాన్ని పవన్ కళ్యాణ్ తిరుపతిలో గురువారం స్వయంగా పరామర్శించిన సంగతి తెలిసిందే.అక్షయ్ తో సహా మరో ఇద్దరిని కూడా పోలీసులు నర్సాపురం లోని నందిని ధాబా వద్ద అదుపులోకి తీసుకున్నట్టు చెబుతున్నారు.అటు-మరో ఏడుగురి ప్రమేయం సైతం ఈ కేసులో ఉన్నట్టు తెలిసింది. వారికోసం ఖాకీలు గాలిస్తున్నారు. కాగా ఈ ఘటనలో హీరో తారక్ ఎలాంటి కామెంట్ చేయకపోవడం చర్చనీయాంశ మైంది. తమ అభిమానులు హింసకు పాల్పడరాదని, అభిమానం దురభిమానంగా మారరాదని జూనియర్ ఎన్టీఆర్ కూడా ఒక ప్రకటన చేసి ఉంటే బాగుండేదన్న వ్యాఖ్యలు వినవస్తున్నాయి.