మస్కట్: హార్ముజ్ జలసంధిలో దాడికి గురైన ఓ లాంచ్‌లో గాయపడిన భారతీయ సభ్యుడిని ఒమన్ రాయల్ ఎయిర్ ఫోర్స్ (RAFO) ప్రత్యేక వైద్య సహాయంతో మస్కట్‌కు తరలించింది. అధికారుల సమన్వయంతో రాయల్ ఎయిర్ ఫోర్స్ ఆఫ్ ఒమన్ ఈ వైద్య తరలింపు చర్య చేపట్టింది. 

తొలుత ముసందమ్ గవర్నరేట్‌లోని ఖసబ్ ఆసుపత్రిలో చికిత్స పొందుతున్న భారతీయుడిని అక్కడి నుంచి విమాన మార్గంలో మస్కట్ గవర్నరేట్‌లోని ఖౌలా ఆసుపత్రికి తరలించారు. మెరుగైన వైద్య సేవలు, ప్రత్యేక చికిత్స అందించేందుకు ఈ చర్య చేపట్టినట్లు తెలిపారు.