IIFA అవార్డ్స్‌లో ‘ధురంధర్‌’ హవా

- October 31, 2026 , by Maagulf

భారతీయ సినిమా రంగంలో అత్యంత ప్రతిష్టాత్మకంగా భావించే ఇంటర్నేషనల్ ఇండియన్ ఫిల్మ్ అకాడమీ (IIFA) 26వ అవార్డుల వేడుక అక్టోబర్ 30న వైభవంగా జరిగింది. వివిధ విభాగాలు, నటీనటులు ,సాంకేతిక నిపుణుల సేవలను గుర్తిస్తూ ఈ అవార్డులను ప్రకటించారు.

12 అవార్డులతో ‘ధురంధర్’ సంచలనం

ఈ ఏడాది ఐఫా అవార్డుల్లో రణ్‌వీర్ సింగ్ కథానాయకుడిగా నటించిన ‘ధురంధర్’ చిత్రం ఏకంగా 12 పురస్కారాలను గెలుచుకుని ఆధిపత్యం ప్రదర్శించింది. నటన, దర్శకత్వం, రచనతో పాటు పలు కీలక విభాగాల్లో ఈ చిత్రం అవార్డులను కైవసం చేసుకుంది. రణ్‌వీర్ సింగ్ తన నటనకు గానూ ఉత్తమ నటుడి పురస్కారాన్ని దక్కించుకున్నారు.

ముఖ్యమైన పురస్కారాలు సాధించిన చిత్రాలు, నటీనటులు

‘సయా రా’ (Saiyaara) చిత్రంలో ప్రతిభావంతమైన నటనకు గానూ అనిత్ పడ్డా (Aneet Padda) ఉత్తమ నటి అవార్డును అందుకని నిలిచారు. ‘జాలీ ఎల్‌ఎల్‌బీ 3’ (Jolly LLB 3) చిత్రంలో అద్భుత నటనకు గానూ హుమా ఖురేషీకి సహాయ నటి పురస్కారం దక్కింది. ‘ఛావా’ (Chhaava) చిత్రం పలు సాంకేతిక విభాగాల్లో అవార్డులు సాధించి సత్తా చాటింది.

డిజిటల్ అవార్డులలోనూ సందడి

డిజిటల్ (ఓటీటీ) కేటగిరీలోనూ పలు చిత్రాలు, వెబ్ సిరీస్‌లు పురస్కారాలు గెలుచుకున్నాయి. డిజిటల్ ఫిల్మ్ కేటగిరీలో ‘బారాముల్లా’ (Baramulla), ‘స్టోలన్’ (Stolen) చిత్రాలు టాప్ అవార్డులను దక్కించుకున్నాయి. ఆర్యన్ ఖాన్ భాగస్వామ్యమైన ‘ది బాస్టర్డ్స్ ఆఫ్ బాలీవుడ్’ (The Bads of Bollywood), ‘పాతాళ్ లోక్ 2’ (Paatal Lok 2) డిజిటల్ సిరీస్ విభాగంలో ప్రముఖ పురస్కారాలను సాధించాయి.

మెరిసిన వ్యాఖ్యాతలు

ఈ గ్రాండ్ అవార్డుల వేడుకను ప్రధాన విభాగంలో కరణ్ జోహార్, వరుణ్ ధావన్, మనీష్ పాల్, అనన్య పాండే కలసి ఎంతో ఉత్సాహంగా నిర్వహించారు. ఇక డిజిటల్ అవార్డుల ప్రధానోత్సవానికి పంకజ్ త్రిపాఠి, అలీ ఫజల్ వ్యాఖ్యాతలుగా వ్యవహరించి ఆకట్టుకున్నారు.

అవార్డుల జాబితా ఇదే