అంతర్జాతీయంగా తీవ్ర ఆందోళన కలిగిస్తున్న భౌగోళిక రాజకీయ ఉద్రిక్తతల నడుమ పశ్చిమాసియా దౌత్యంలో కీలక పరిణామం చోటుచేసుకుంది. తమ ప్రధాన షరతులకు వాషింగ్టన్ అంగీకరిస్తే కేవలం రెండు రోజుల్లోనే హార్ముజ్ జలసంధిని తిరిగి తెరవడానికి టెహ్రాన్ సిద్ధంగా ఉందని ఇరాన్ విదేశాంగ మంత్రి అబ్బాస్ అరాఘ్చి ప్రకటించినట్లు అంతర్జాతీయ మీడియా సంస్థ ‘అల్ జజీరా’ కథనం వెల్లడించింది. ఖతార్ ప్రతినిధులతో దోహాలో సాగుతున్న సుదీర్ఘ సంప్రదింపుల అనంతరం, జలమార్గాన్ని తెరిచే అమలు కాలాన్ని ప్రతిపాదించిన ఐదు రోజుల నుండి రెండు రోజులకు కుదించినట్లు అరాఘ్చీ స్పష్టం చేశారు. వాషింగ్టన్‌తో సంప్రదింపుల పునఃప్రారంభానికి, హార్ముజ్ జలసంధి తెరవడానికి టెహ్రాన్ తమ పూర్తి డిమాండ్లను స్పష్టం చేసింది.

అమెరికా తన సైనిక బలగాల ఉనికిని తగ్గించాలి
జూలైలో ఇస్లామాబాద్ అవగాహన ఒప్పందం (MoU) విఫలమైన తర్వాత అమెరికా విధించిన పన్నులు, వాణిజ్య ఆంక్షలను తక్షణమే ఉపసంహరించుకోవాలి. పశ్చిమాసియా ప్రాంతంలో అమెరికా తన సైనిక బలగాల ఉనికిని తగ్గించాలి మరియు జూన్ మోయూ కింద మంజూరు చేసిన ఇరాన్ చమురు ఎగుమతి మినహాయింపులను పునరుద్ధరించాలి. ఒమన్‌తో సంయుక్తంగా రూపొందించిన కొత్త హోర్ముజ్ షిప్పింగ్ మార్గానికి అధికారిక గుర్తింపునిచ్చి, మిగిలిన మార్గాలను మూసివేయాలి. లెబనాన్‌పై ఇజ్రాయెల్ జరుపుతున్న దాడులతో సహా అన్ని రంగాలలో సైనిక ఘర్షణలకు పూర్తి స్వస్తి పలకాలి. అమెరికా ఉపాధ్యక్షుడు జేడీ వాన్స్ ఖతార్ మధ్యవర్తుల ద్వారా రెజాయీకి ఒక ప్రత్యేక లేఖను పంపినట్లు సమాచారం.