తెలంగాణలో SIR గడువు మళ్లీ పొడిగించిన ఎన్నికల సంఘం
- November 18, 2026
తెలంగాణలో ఓటర్ల జాబితా ప్రత్యేక సమగ్ర సవరణ (ఎస్ఐఆర్) ప్రక్రియ గడువును భారత ఎన్నికల సంఘం (ఈసీ) మరోసారి పొడిగించింది. అర్హులైన ఓటర్లందరికీ తమ పేర్లను నమోదు చేసుకునేందుకు, వివరాలను సరిచేసుకునేందుకు వీలుగా ఈ నిర్ణయం తీసుకున్నట్లు రాష్ట్ర ప్రధాన ఎన్నికల అధికారి (సీఈఓ) సుదర్శన్రెడ్డి వెల్లడించారు. గతంలో నవంబర్ 30న తుది జాబితా ప్రచురించాలని నిర్ణయించగా, తాజా సవరణల నేపథ్యంలో తుది ఓటర్ల జాబితాను డిసెంబర్ 22వ తేదీన విడుదల చేయనున్నారు.
ఏఎస్డీడీ ఓటర్లకు ప్రత్యేక ఎన్యుమరేషన్ అవకాశం
గైర్హాజరు, శాశ్వతంగా వలస వెళ్లినవారు, మరణించినవారు, డూప్లికేట్ ఓటర్ల కేటగిరీల్లో (ఏఎస్డీడీ జాబితా) ఉన్నవారి వివరాలను మరోసారి క్షేత్రస్థాయిలో పరిశీలించేందుకు ఈసీ ప్రత్యేక ఎన్యుమరేషన్ ప్రక్రియ చేపట్టింది. రాజకీయ పార్టీలు, ప్రజాసంఘాలు, ప్రజల విజ్ఞప్తుల మేరకు ఈ జాబితాలో ఉన్న అర్హులకు మరో అవకాశం కల్పించింది.
సవరించిన ముఖ్య తేదీలు ఇవే
ఎన్యుమరేషన్ ఫారాల ముద్రణ నవంబర్ 18లోగా పూర్తి చేయాలి.
ఫారాల పంపిణీ, సేకరణ: నవంబర్ 18 నుంచి 30వ తేదీ వరకు క్షేత్రస్థాయిలో సిబ్బంది ఫారాలను అందించి, తిరిగి సేకరిస్తారు.
ఫారాల పరిశీలన, పరిష్కారం: డిసెంబర్ 10వ తేదీలోగా పూర్తి చేయాలి.
నోటీసులు, క్లెయిమ్స్, అభ్యంతరాల పరిష్కారం: డిసెంబర్ 15వ తేదీ వరకు కొనసాగుతుంది.తుది ఓటర్ల జాబితా ప్రచురణ: డిసెంబర్ 22వ తేదీన విడుదలవుతుంది.
మరో 6 రాష్ట్రాల్లోనూ అమలు
తెలంగాణతో పాటు ఆంధ్రప్రదేశ్, మహారాష్ట్ర, ఢిల్లీ, నాగాలాండ్, హరియాణా, జార్ఖండ్ రాష్ట్రాల్లోనూ ఈ సవరించిన షెడ్యూల్ వర్తిస్తుందని కేంద్ర ఎన్నికల సంఘం ఉత్తర్వులు జారీ చేసింది. కొత్త గడువులపై ప్రజల్లో విస్తృత అవగాహన కల్పించడంతో పాటు గుర్తింపు పొందిన రాజకీయ పార్టీలకు లిఖితపూర్వకంగా సమాచారం అందించాలని రాష్ట్ర ఎన్నికల అధికారులను ఆదేశించింది.
ఓటర్లకు అధికారుల సూచనముసాయిదా ఓటర్ల జాబితాలో తమ పేరు ఉందో లేదో ప్రతి ఒక్కరూ తనిఖీ చేసుకోవాలని ఎన్నికల అధికారులు కోరుతున్నారు. అర్హత ఉండి పేరు లేనివారు, ఏఎస్డీడీ జాబితాలో పేర్లు నమోదైనవారు నిర్దేశిత గడువులోగా దరఖాస్తు చేసుకుని తమ ఓటు హక్కును ధ్రువీకరించుకోవాలని సూచించారు. సందేహాల నివృత్తి కోసం ఎన్నికల సంఘం టోల్ఫ్రీ నంబర్ 1950ను సంప్రదించవచ్చు.
తాజా వార్తలు
- తెలంగాణలో SIR గడువు మళ్లీ పొడిగించిన ఎన్నికల సంఘం
- ఒమన్లో వాహనాలు, కంప్యూటర్ల చోరీ.. నిందితుడి అరెస్ట్..!!
- సౌదీ అరేబియాలో భారీ వర్షాల హెచ్చరిక.. అలర్ట్ జారీ..!!
- బహ్రెయిన్లో చిల్డ్రన్ డే..ప్రత్యేక అవసరాలున్న చిన్నారులతో భారత రాయబారి..!!
- దుబాయ్ ఎయిర్పోర్టులో ‘ఫ్యాషన్ అవెన్యూ’..!!
- ఖతార్ లో సముద్ర విజ్ఞానంపై చిన్నారులకు ప్రత్యేక శిక్షణ..!!
- కుప్పకూలిన రష్యా సైనిక విమానం.. 17 మంది మృతి
- ఎయిర్పోర్టుల్లో తగ్గనున్న CISF సిబ్బంది సంఖ్య!
- ఒమన్లో ఉల్కల పరిశోధనపై ప్రత్యేక పుస్తకం విడుదల..!!
- సౌదీలో భారీగా ఫేక్ ఇంజినీరింగ్ సర్టిఫికెట్లు గుర్తింపు..!!







