పవన్ కళ్యాణ్ ఆయన ఒక ప్రభంజనం. ఆయన సినిమా కోసం అభిమానులు వేయికళ్ళతో ఎదురు చూస్తుంటారు. ఇక ఆయన నడిచే దారిలోనే తాము పయనించాలని ప్రయత్నాలు చేస్తుంటారు. పవన్‌కి సంబంధించిన ఏ విషయమైన చాలు వెంటనే వారు స్పందిస్తారు. సెప్టెంబర్ 2న పవన్ బర్త్ డే కాగా అభిమానులు ఆయన 46వ బర్త్ డే వేడుకలని గ్రాండ్‌గా సెలబ్రేట్ చేసుకున్నారు. పవన్ మాత్రం ఈ పార్టీలకు దూరంగా ఉన్నాడు. అయితే పవన్ బర్త్ డే రోజు అభిమానులు సోషల్ మీడియాలో విష్ చేస్తూ ట్వీట్లతో హోరెత్తించారు . ఆ ఒక్క రోజే #HBDPawanKalayan హ్యష్ ట్యాగ్‌తో 565K+ ట్వీట్స్ వచ్చాయి. దీంతో పవన్ గతంలో తల అజిత్ పై ఉన్న రికార్డును చెరిపేశాడు. అజిత్ బర్త్ డే రోజున 430K ట్వీట్స్ వచ్చిన సంగతి తెలిసిందే.పవన్ కళ్యాణ్ ప్రస్తుతం డాలీ దర్శకత్వంలో కాటమరాయుడా అనే చిత్రాన్ని చేస్తోండగా, సెప్టెంబర్ రెండవ వారంలో పవన్ యూనిట్‌తో కలవనున్నాడని టాక్. ఈ చిత్రం తర్వాత పవన్ మాటల మాంత్రికుడు త్రివిక్రమ్ దర్శకత్వంలో ఓ మూవీ చేయనున్నాడు.