కువైట్‌: యూఎన్‌ ప్రతినిథి మారియా గ్రాజియా జియామ్మారినరో, కువైట్‌లో కఫలా సిస్టమ్‌ (స్పాన్సర్‌ షిప్‌ సిస్టమ్‌)ని రద్దు చేయవలసిందిగా విజ్ఞప్తి చేశారు. ఈ విధానంతో హ్యూమన్‌ ట్రాఫికింగ్‌ సమస్య తీవ్రతరమవుతోందని ఆమె ఆందోళన వ్యక్తం చేశారు. అయితే ఖలాఫా సిస్టమ్‌ విషయంలో కువైట్‌ ప్రభుత్వం తీసుకుంటున్న చర్యల్ని ఆమె ప్రశంసించారు. అయినప్పటికీ, కొన్ని సందర్భాల్లో ఈ విధానం ద్వారా హ్యూమన్‌ ట్రాఫికింగ్‌ జరుగుతోందని అభిప్రాయపడ్డారామె. ఖఫాలా సిస్టమ్‌కి బదులుగా మరో కొత్త విధానాన్ని ఇంకా సమర్థవతంగా అమల్లోకి తీసుకొస్తే మంచిదని ఆమె చెప్పారు. హ్యూమన్‌ ట్రాఫికింగ్‌ విషయంలో కువైట్‌ తీసుకుంటున్న చర్యల్ని యూఎన్‌ తరఫున అభినందిస్తున్నట్లు వెల్లడించిన మారియా, స్పార్సర్‌ షిప్‌ సిస్టమ్‌ ద్వారా మహిళలు, చిన్న పిల్లలు తీవ్ర ఇబ్బందుల్ని ఎదుర్కొంటున్నారనీ, చాలా సందర్భాల్లో వారి పరిస్థితి అగమ్యగోచరంగా తయారవుతోందని ఆవేదన వ్యక్తం చేశారు.