కువైట్‌: సిద్దీక్‌లో ఎమర్జన్సీ టీమ్‌ జరిపిన ఆకస్మిక దాడుల్లో పెద్ద సంఖ్యలో వాడేసిన టైర్లు, కొత్తగా మార్చి అమ్ముతుండడాన్ని గుర్తించారు. సుమారు 150 వాడేసిన టైర్లను ఈ సందర్భంగా అదుపులోకి తీసుకున్నారు. ఓ గొడౌన్‌లో అక్రమంగా పాత టైర్లను కొత్తగా మార్చుతున్నట్లు అందించిన సమాచారంతో మినిస్ట్రీ ఆఫ్‌ కామర్స్‌ అండ్‌ ఇండస్ట్రీ ఈ దాడులకు సమాయత్తమైంది. ఇంకో వైపున, ఎన్విరాన్‌మెంట్‌ పోలీసులు, ఓ వీడియో క్లిప్‌ ఆధారంగా హౌబారా వేటగాడ్ని అరెస్ట్‌ చేశారు. హౌబారాని వేటాడటం నేరం. ఈ కేసులో దోషిగా తేలితే ఏడాది జైలు శిక్షతోపాటు 500 నుంచి 5000 కువైట్‌ దినార్స్‌ వరకూ జరీమానా విధిస్తారు. నిందితుడ్ని సంబంధిత అధికారులకు అప్పగించారు.