చియాన్‌ విక్రమ్‌ భారతీయ వెండితెరపై సంచలనాలు సృష్టిస్తుంటే.. ఆయన వారసుడు ధ్రువ్‌ కృష్ణ హాలీవుడ్‌లో ఆరంగేట్రం చేసి అబ్బురపరుస్తున్నాడు. లండన్‌లోని ఫిలిం స్కూల్‌లో శిక్షణ పొందుతున్న ధ్రువ్‌ తన శిక్షణలో భాగంగా 'గుడ్‌నైట్‌ చార్లీ' అనే షార్ట్‌ఫిలిం తెరకెక్కించాడు. ఫ్యామిలీ థ్రిల్లర్‌ సబ్జెక్టుతో తెరకెక్కించిన ఈ వీడియో ఇటీవలే విడుదల చేయగా నెటిజన్ల నుంచి మంచి స్పందన లభిస్తోంది. స్ర్కిప్టు కూడా ధ్రువే రాశాడు. నిజానికి చియాన్‌ వారసుడిగా వెండితెరపై ఆరంగేట్రం చేయబోతున్నాడని ఏడాదిగా వార్తలు విన్పిస్తున్నాయి. ఈ నేపథ్యంలో హాలీవుడ్‌ షార్ట్‌ఫిలిం తెరకెక్కించి అందరి దృష్టిని తనవైపు తిప్పుకున్నాడు.