హైదరాబాద్లోని జగద్గిరిగుట్ట, బీరప్ప నగర్, దేవమ్మబస్తీ ప్రాంతాలలో భూమి కంపించింది. పాపిరెడ్డినగర్‌లో 2 సెకన్లపాటు భూప్రకంనలు సంభవించినట్లు అధికారులు తెలియజేశారు. ఒక్కసారిగా భూమి కంపించడంతో నగరవాసులు భయానికి గురయ్యారు. ఇళ్ల లోనుంచి రోడ్లమీదకు పరుగులు తీశారు. ఆస్తి, ప్రాణ నష్టం ఎంతజరిగిందన్న విషయం ఇంకా తెలియరాలేదు. ఘటనా స్థలానికి చేరుకున్న సహాయ సిబ్బంది, అధికారులు పర్యవేక్షిస్తున్నారు. ఇళ్లలో సామాన్లు, ఇళ్ల పైపెచ్చులు కిందపడ్డాయని స్థానికులు మీడియాకు తెలిపారు.