ఖతార్‌: ఖతార్‌లో బుధవారం భారీ గాలులు విరుచుకుపడే అవకాశం ఉందనీ, ఈ కారణంగా విజిబిలిటీ చాలా తక్కువగా ఉండవచ్చని ఖతార్‌ మెటియరాలజీ డిపార్ట్‌మెంట్‌ వెల్లడించింది. అయితే తీర ప్రాంతాలకు ఎలాంటి హెచ్చరికల్ని వెదర్‌ రిపోర్ట్‌లో పేర్కొనలేదు. గాలుల వేగం 10 నుంచి 20 నాట్స్‌ ఉండచ్చని, కొన్ని ప్రాంతాల్లో 26 నాట్స్‌కి ఈ వేగం చేరుకోవచ్చని అధికారులు తెలిపారు. పగలు వేడి ఎక్కువగా ఉంటుందనీ, దుమ్ము ధూళి బాగా ఎగసిపడే అవకాశం ఉందని వారు సూచిస్తున్నారు. 3 కిలోమీటర్లు, అంతకన్నా తక్కువగా విజిబిలిటీ కొన్ని ప్రాంతాల్లో పడిపోతుందని హెచ్చరికలు జారీ అయ్యాయి. 41 డిగ్రీల సెంటీగ్రేడ్‌ మంగళవారం నమోదయ్యింది. గురువారం 40 డిగ్రీల వరకు ఉష్ణోగ్రత ఉండొచ్చని అంచనా వేస్తున్నారు.