జమాత్ ఉద్ దవా చీఫ్ హఫీజ్ సయీద్ మరింత రెచ్చిపోతున్నాడు. శుక్రవారం మాట్లాడుతూ ఇండియన్ మీడియాకు సవాల్ విసిరాడు. నిజమైన మెరుపు దాడులంటే ఏమిటో ప్రతి భారతీయుడికి రుచి చూపిస్తామని హెచ్చరించాడు. పాకిస్థాన్ దళాలను పొగడ్తల్లో ముంచెత్తాడు. త్వరలోనే భారతదేశానికి తమ దళాలు తగిన గుణపాఠం చెప్తాయన్నాడు. భారతదేశానికి చెందిన ఓ మీడియా యాంకర్లు తప్పుడు దృశ్యాలు చూపిస్తున్నారని ఆరోపించాడు. వాళ్ళకు త్వరలోనే నిజాలేమిటో తెలుస్తుందన్నాడు. పాకిస్థాన్ ఆక్రమిత కశ్మీరులోని తన మద్దతుదార్లను ఉద్దేశించి శుక్రవారం హఫీజ్ సయీద్ మాట్లాడాడు.