దుబాయ్‌ క్రౌన్‌ ప్రిన్స్‌, దుబాయ్‌ ఎగ్జిక్యూటివ్‌ కౌన్సిల్‌ ఛైర్మన్‌ షేక్‌ హమదాన్‌ బిన్‌ మొహమ్మద్‌ బిన్‌ రషిద్‌ అల్‌ మక్తౌమ్‌, కౌన్సిల్‌ రిజల్యూషన్‌ నెం.51 - 2016, ఎగ్జిక్యూటివ్‌ కౌన్సిల్‌ రిజల్యూషన్‌ నెం.1-2016 అమెండ్‌మెంట్‌లను జారీ చేశారు. ట్రామ్‌ సిస్టమ్‌కి సంబంధించి ఈ రెండు రిజల్యూషన్స్‌ని విడుదల చేయడం జరిగింది. ఈ కొత్త రిజల్యూషన్స్‌ ప్రకారం, ట్రామ్‌వే ఇంటర్‌సెక్షన్ల వద్ద నిబంధనల్ని ఉల్లంఘించినవారికి భారీ జరీమానాలు విధిస్తారు. మినిమమ్‌ జరీమానా 15,000 దిర్హామ్‌ల నుంచి, మేగ్జిమమ్‌ 30,000 దిర్హామ్‌ వరకూ జరీమానా ఉంటుంది. అలాగే డ్రైవర్‌ లైసెన్స్‌ని ఏడాది నుంచి మూడేళ్ళపాటు రద్దు చేయడం కూడా జరుగుతుంది. ట్రామ్‌ వే ఇంటర్‌సెక్షన్‌ వద్ద రెడ్‌లైట్‌ని జంప్‌ చేసి, ప్రమాదానికి కారకులైతే 5,000 నుంచి 15,000 దిర్హామ్‌ల వరకు జరీమానా, 6 నుంచి 12 నెలలపాటు డ్రైవింగ్‌ లైసెన్స్‌ రద్దు చేస్తారు. ప్రమాదం జరగకుండా జంపింగ్‌ ఎడ్‌ సిగ్నల్‌కి 2,000 నుంచి 5000 దిర్హామ్‌ల వరకు జరీమానా, 30 రోజుల నుంచి 3 నెలలపాటు లైసెన్స్‌ రద్దు చేస్తారు. ఇవి కాకుండా ఓనర్స్‌, కాంట్రాక్టర్స్‌ లేదా ఆపరేటర్స్‌కి సంబంధించిన వర్క్‌ని ఆర్‌టిఎ సస్పెండ్‌ చేసే అవకాశం కూడా ఉంది. గెజిట్‌లో రిజల్యూషన్‌ పబ్లిష్‌ అయినప్పటినుంచీ ఈ కొత్త జరీమానాలు అమల్లోకి వస్తాయి.