నారా రోహిత్‌, రెజీనా జంటగా నటించిన చిత్రం 'శంకర'. ఈ చిత్రాన్ని అక్టోబరు 21న ప్రేక్షకుల ముందుకు తీసుకువస్తున్నారు. తాతినేని సత్యప్రకాశ్‌ దర్శకత్వం వహించిన ఈ చిత్రాన్ని శ్రీ లీలా మూవీస్‌ పతాకంపై రూపొందించారు. తమిళంలో విజయం సాధించిన 'మౌనగురు'కి రీమేక్‌గా దీన్ని తెరకెక్కించారు.ఈ సందర్భంగా నిర్మాత ఆర్‌.వి. చంద్రమౌళి ప్రసాద్‌ మాట్లాడుతూ.. 'వ్యవస్థలో ఉన్న లోటుపాట్లు శంకర అనే కుర్రాడికి నచ్చవు. వాటిని ప్రతిఘటించడానికి ప్రయత్నిస్తుంటాడు. ఆ క్రమంలో అతను ఎదుర్కొన్న అడ్డంకులు ఎలాంటివి? అతనికి తల్లి, సోదరుడు ఇచ్చిన చేయూత ఎలాంటిది?
వంటి ఆసక్తికరమైన అంశాలతో తెరకెక్కించిన చిత్రం 'శంకర్‌'. సాయికార్తీక్‌ మంచి సంగీతాన్ని సమకూర్చారు. ట్యూన్లకు మంచి స్పందన వస్తోంది' అన్నారు.