షార్జా: నలుగురు వ్యక్తులు తీవ్రంగా గాయపడ్డ ఘటన షార్జాలో చోటుచేసుకుంది. బుధవారం రాత్రి ఓ ట్రక్కు వేగంగా దూసుకొచ్చి, ఓ బిల్డింగ్‌ని ఢీకొందని ప్రత్యక్ష సాక్షులు వెల్లడించారు. ఈ క్రమంలో పక్కనే ఉన్న చాలా దుకాణాల్ని, అలాగే వాహనాల్ని ఆ ట్రక్‌ ధ్వంసం చేసినట్లు వారు చెప్పారు. ప్రమాదం గురించి తెలియగానే అధికారులు సంఘటనా స్థలానికి చేరుకున్నారు. సంఘటనా స్థలంలోనే ఓ షాపులో హెల్పర్‌గా పనిచేస్తున్న సునీల్‌ అనే వ్యక్తి సంఘటన గురించి వివరిస్తూ, డిన్నర్‌ తర్వాత తాను నడుచుకుంటూ వెళుతుండగా, భారీ శబ్దం చోటు చేసుకుందని, వెళ్ళి చూస్తే అక్కడ ప్రమాదం జరిగిందని అన్నాడు. గాయపడ్డవారిని అంబులెన్స్‌లో తరలించారు. పూర్తి వివరాలు వెల్లడి కావాల్సి ఉంది.