టర్కీ-సిరియా సరిహద్దు ప్రాంతంలో గురువారం సంభవించిన భారీ పేలుడులో కనీసం 40 మంది మరణించినట్లు అల్‌ మయాదీన్‌ టీవీ ఛానల్‌ వెల్లడించింది. అటామా సరిహద్దు క్రాసింగ్‌ వద్ద సిరియా తిరుగుబాటుదారులను లక్ష్యంగా చేసుకుని ఈ పేలుడు జరిగిందని ఈ టీవీ ఛానల్‌ తన వార్తా కథనంలో వివరించింది. ఈ పేలుడుకు తామే బాధ్యత వహిస్తున్నట్లు ప్రకటించిన ఇస్లామిక్‌ స్టేట్‌ (ఐఎస్‌) మిలిటెంట్‌ గ్రూప్‌ తమ ఆత్మాహుతి దళ సభ్యుడొకరు పేలుడు పదార్ధాలతో నిండిన కారుతో సరిహద్దు ప్రాంతం వద్ద దాడి చేసినట్లు వెల్లడించింది. ఈ సరిహద్దు ప్రాంతం సిరియా ఉత్తరాన వున్న ఇడ్లిబ్‌ ప్రావిన్స్‌లో వుంది. తొలుత ఈ దాడిలో 20 మంది రెబల్స్‌ ప్రాణాలు కోల్పోయినట్లు లండన్‌కు చెందిన సిరియన్‌ అబ్జర్వేటరీ ఫర్‌ హ్యూమన్‌ రైట్స్‌ వెల్లడించింది.