దుబాయ్‌: రాత్రి వేళల్లో స్విమ్మింగ్‌పై సోషల్‌ మీడియా ద్వారా దుబాయ్‌ మునిసిపాలిటీ ప్రచారాన్ని ఉధృతం చేసింది. ఈ మధ్యకాలంలో జరిగిన కొన్ని ప్రమాదాల కారణంగా, రాత్రి వేళల్లో బీచ్‌లలో స్విమ్మింగ్‌పై నిబంధనల్ని కఠితనరం చేశారు అధికారులు. బ్యాచిలర్స్‌ రాత్రి వేళల్లో అప్రమత్తంగా ఉండాలనీ, బీచ్‌లలో స్విమ్మింగ్‌ చేయరాదని అధికారుaలు స్పష్టం చేశారు. అలాగే వాతావరణ పరిస్థితులు అనుకూలంగా లేని సమయాల్లో స్విమ్మింగ్‌ ప్రమాదకరం అని ప్రచారం చేస్తున్నారు. రెడ్‌ ఫ్లాగ్‌ ఉన్నప్పుడు స్విమ్మింగ్‌ చేయరాదనీ, ఎల్లో ఫ్లాగ్‌ ఉన్నప్పుడు తగు జాగ్రత్తలతో స్విమ్మింగ్‌కి బీచ్‌లలో అనుమతిస్తారనీ అధికారులు తెలిపారు. బీచ్‌లలో భద్రత కోసం పూర్తిస్థాయిలో చర్యలు చేపడుతున్నామని వారు వివరించారు. వీటితోపాటుగా బీచ్‌లలోతప్ప, బయట స్విమ్మింగ్‌ డ్రెస్‌తో తిరగరాదనీ, ఫొటోగ్రఫీ పూర్తిగా నిషేధమనీ, బార్బిక్యూ, షిషా వంటివి నిషిధ్దమని అధికారులు స్పష్టం చేశారు. పెంపుడు జంతువుల్ని బీచ్‌లలోకి అనుమతించరు. నిబంధనల్ని అతిక్రమించినవారికి జరీమానాలు విధించడంతోపాటు, చట్టపరంగా తగిన చర్యలు తీసుకుంటారు.